A exposición itinerante Nós mesmos. Asociacionismo galego na emigración, está organizada polo Consello da Cultura Galega, a través do seu Arquivo da Emigración Galega, e en colaboración coa Secretaría Xeral de Emigración da Xunta de Galicia.
A exposición resume máis dun século de historia do asociacionismo galego na emigración, que cristalizou nos primeiros anos do século XX, particularmente en Arxentina e Cuba.
A exposición forma parte da programación da celebración da XV Edición da Feira do Indiano de Santaballa, que terá lugar os días 18, 19, 20 e 21 de setembro e que organiza o a Asociación Cultural Amigos da Liga Santaballesa.
