No pasado ano 2019 conmemoramos o quinto centenario da saída da expedición Magalhães/Elcano que completaría a primeira circunnavegación do planeta.
A exposición «Inventio Mundi. Galicia nas viaxes transoceánicas. Séculos XV - XVII», instalada na Fundación Barrié e comisariada por Ofelia Rey Castelao, amosa as consecuencias que aquela formidable viaxe tivo para Galicia. Deu ao vello reino galego unha oportunidade de aproveitar a súa situación nas rutas atlánticas, as vantaxes dos seus portos e a tradición dos seus mariñeiros. Os Reis Católicos descartaran Galicia como núcleo da Carreira das Indias, pero os poderosos galegos aspiraban a ter parte nese xigantesco negocio. A Casa da Especiaría da Coruña foi un soño breve, pero deu a Galicia un notable protagonismo que tamén se debe celebrar.
Inventio Mundi
Inventio Mundi. Galicia nas viaxes transoceánicas - Séculos XV-XVII
Capitanía Marítima, Baiona, do 27 de febreiro ao 27 de marzo de 2026 Baiona
Inventio Mundi. Galicia nas viaxes transoceánicas - Séculos XV-XVII
Capitanía Marítima, Baiona, do 27 de febreiro ao 27 de marzo de 2026Baiona
O Consello da Cultura Galega (CCG), no marco do programa de itinerancias das súas exposicións e coincidindo co inicio da Festa da Arribada, leva ata Baiona a mostra Inventio Mundi. Galicia nas viaxes transoceánicas - Séculos XV-XVII.
Este proxecto expositivo creouse en 2019 cando se conmemoraba o quinto centenario da saída da expedición Magalhães/Elcano que completaría a primeira circunnavegación do planeta. A mostra titúalse «Inventio Mundi. Galicia nas viaxes transoceánicas. Séculos XV-XVII» amosa as consecuencias que aquela formidable viaxe tivo para Galicia. Aquela epopea deu ao vello reino galego unha oportunidade de aproveitar a súa situación nas rutas atlánticas, as vantaxes dos seus portos e a tradición dos seus mariñeiros. Os Reis Católicos descartaran Galicia como núcleo da Carreira das Indias, pero os poderosos galegos aspiraban a ter parte nese xigantesco negocio. A Casa da Especiaría da Coruña foi un soño breve, pero deu a Galicia un notable protagonismo que tamén se debe celebrar.
Nesta ocasión a exposición inaugurase no marco da Festa da Arribada 2026 que se celebra en Baiona os días 27, 28 de febreiro e 1 de marzo.
