27 de marzo e 10 de abril de 2026
17:00 a 20:00 horas

No obradoiro as persoas participantes poderán indagar máis sobre os relatos das mulleres da emigración que lles son propios e poñelos en diálogo con outros. Ao mesmo tempo, probarán unha metodoloxía de activación das memorias que poderán reproducir noutros contextos, e coñecerán como nutrir os arquivos galegos que recollen as memorias da emigración.

Nunha primeira sesión de traballo, as persoas participantes escollerán algún relato de mulleres da emigración da súa contorna e, en diálogo coa exposición, identificarán a información que teñen sobre esta figura. Entre sesións, complementarán esta información a través de diversas fontes e sintetizarán o que saben fotografando obxectos representativos desa narración migratoria. Nunha segunda sesión, compartiremos esas achegas, explorando que teñen en común as diferentes imaxes e buscando completar os ocos que aínda quedan nesas historias. Remataremos convidando as persoas participantes a doar os fondos ou historias descubertas aos arquivos existentes en Galicia para preservar e divulgar esta memoria.O obradoiro é un espazo participativo deseñado desde as metodoloxías da facilitación de grupos. Non é preciso contar con ningún coñecemento previo.

O obradoiro consta de dúas sesións de traballo, que se realizarán no propio Kiosco Alfonso os venres 27/03 e 10/04, de 17:00 a 20:00 h. Está dirixido a un grupo máximo de 25 persoas, público xeral interesado en afondar nesta temática, en especial perfís que poidan ter interese en reproducir con outros grupos esta metodoloxía de traballo (educación formal e non formal, investigación, activismo relacionado cos feminismos ou a memoria histórica...).

As prazas son limitadas. Pódense inscribir no formulario habilitado na nosa web.

Nome *

Primeiro apelido+

Segundo apelido

Enderezo electrónico*

Número de teléfono

DNI*

Enderezo postal

Código postal

Localidade

Centro de traballo

Os campos marcados con * son obrigatorios

Lin é acepto o aviso legal e a política de privacidade do Consello da Cultura Galega para o tratamento de datos de carácter persoal.

Solicitar inscrición
A inscrición é gratuíta. O número de prazas é limitado (25 persoas). As prazas cubriranse por rigorosa orde de inscrición.

Se desexa recibir información sobre novas actividades e eventos organizados polo Consello da Cultura Galega pode subscribirse no BOLETÍN DE NOVIDADES