Encontro
Temos unha cita. Ciclo de conversas sobre as artes escénicas contemporáneas
Luns 20 e martes 21 de xullo - De 12:00h a 14:00h
Ribadavia
LUNS 20 DE XULLO
de 11:30 a 12:00h
> Benvida e introdución ao ciclo
Participan:
Dolores Vilavedra, Presidenta do Consello da Cultura Galega;
Sabela Mendoza e Gena Baamonde, dirección artística da MIT Mostra Internacional de Teatro de Ribadavia
De 12:00 a 13:15h
> Un xogo de espellos. Intercambio, alteridade e diversidade na escena actual
A miúdo falamos do teatro como un espazo no que recoñecernos e sentirnos identificadas co que acontece en escena. Mais unha das súas maiores potencialidades reside precisamente na súa capacidade para poñernos en relación coa diferenza, para confrontarnos con outras experiencias, corpos, relatos e formas de habitar o mundo.
Esta conversa propón pensar a escena como un lugar de encontro coa alteridade e co descoñecido. A partir de experiencias desenvolvidas en diferentes contextos culturais e xeográficos, abordaranse cuestións vinculadas á diversidade, os coidados, as identidades non normativas, os procesos de mediación e a responsabilidade social das programacións culturais. Interésanos especialmente reflexionar sobre o papel que poden desempeñar festivais, teatros e proxectos artísticos como espazos de apertura, diálogo e transformación colectiva.
Participan:
Ana Carvalhosa - CRL Central Elétrica, Porto (Portugal)
Cecilia Kuska, Rosa studio & festival Proximamente (Bruselas)
Begoña Cuquejo, creadora (Galicia-Suíza)
Anacarsis Ramos, colectivo Pornotráfico (México)
Gena Baamonde, Vacaburra (Galicia)
Modera: Matías Daporta, artista e mediador cultural, responsable de Desfoga
De 13:30 a 14:15h
> As preguntas que faltan
Que asuntos non estamos falando ou abordando nos festivais? E nos encontros profesionais das artes escénicas? Son aquelas preguntas que mantemos no íntimo, nos encontros informais despois das funcións?
Como peche de cada sesión, dende a dirección artística da MIT –Sabela Mendoza e Gena Baamonde– propoñemos abrir un espazo de confianza e recollida para, entre todas as persoas asistentes, apuntar aquelas preguntas ou cuestións relevantes que aínda non se están a abordar ou non o suficiente. Convideramos a outras profesionais que fan parte do equipo da Mostra a sumarse ao debate.
O obxectivo é axudarnos, en conxunto, a animar o pensamento crítico e a alimentar, a partir do xesto de ‘tomar nota’, futuras conversas, programacións ou colaboracións entre estruturas, axentes e festivais internacionais.
MARTES 21 DE XULLO
de 12:00 a 13:15h
> O escenario, activador da memoria
Nos últimos anos, a escena contemporánea converteuse nun dos espazos máis fértiles para a revisión crítica da memoria histórica e dos mecanismos da desmemoria. Nun contexto internacional marcado polo avance dos discursos autoritarios, os conflitos bélicos e as persistencias coloniais e extrativas, numerosas creadoras e creadores recorren ao teatro para volver sobre a memoria e interrogar o seu impacto no presente.
Esta conversa reunirá artistas e programadoras que traballan a memoria como ferramenta de investigación, creación e intervención pública. Falaremos da diversidade de fórmulas á hora de abordar as historias na escena, así como da especial liberdade que no ámbito artístico se pode traballar para ofrecer novos relatos ou formas de relación co pasado, abrindo novas posibilidades. A partir de experiencias, perspectivas procedentes de Galicia, Portugal e México, abordaranse cuestións relacionadas coa transmisión interxeracional, a construción dos relatos colectivos, os procesos de resistencia democrática e a capacidade das artes escénicas para para abrir espazos de pensamento crítico arredor do pasado e do presente.
Participan:
Gonçalo Amorim, director de escena e actor; Director artístico do FITEI e de Teatro Experimental do Porto (Portugal)
Sendic Vázquez, director escénico; integrante de colectivo Cuatro x Cuatro (México)
Xesús Ron, actor, dramaturgo, director e activista cultural; membro de Grupo Chévere (Galicia)
Lorena Conde, dramaturga, actriz e autora; socia de compañía A Feroz (Galicia)
Modera: Andrea Villa, comunicadora cultural
De 13:30 a 14:15h
> As preguntas que faltan
Que asuntos non estamos falando ou abordando nos festivais? E nos encontros profesionais das artes escénicas? Son aquelas preguntas que mantemos no íntimo, nos encontros informais despois das funcións?
Como peche de cada sesión, dende a dirección artística da MIT –Sabela Mendoza e Gena Baamonde– propoñemos abrir un espazo de confianza e recollida para, entre todas as persoas asistentes, apuntar aquelas preguntas ou cuestións relevantes que aínda non se están a abordar ou non o suficiente. Convideramos a outras profesionais que fan parte do equipo da Mostra a sumarse ao debate.
O obxectivo é axudarnos, en conxunto, a animar o pensamento crítico e a alimentar, a partir do xesto de ‘tomar nota’, futuras conversas, programacións ou colaboracións entre estruturas, axentes e festivais internacionais.
LUGAR
Museo Etnolóxico de Ribadavia
Rúa Santiago, 16
32400 Ribadavia
MAÍS INFORMACIÓN
www.consellodacultura.gal
difusion@consellodacultura.gal
Consulta os materiais en http://consellodacultura.gal
ASISTENCIA
Evento aberto ao público xeral ata completar capacidade.
