Ao fío do Ano Otero Pedrayo, seguimos a recuperar xoias dos fondos documentais do Arquivo Sonoro de Galicia.
Desta volta viaxamos a 1959. Ramón Otero Pedrayo participa nunha mesa reonda das Xornadas Patrióticas Galegas, organizada pola Comisión Intersocietaria de Bos Aires, onde fala da parroquia galega como dunha unidade espiritual e cuxa función é manter a nosa cultura. Antes ca el, están as opinións de Rafel Dieste, Xosé Núñez Búa, Antonio Baltar e Eduardo Blanco Amor. É un bo exemplo da activa participación do prolífico ourensán nos actos que organiza a emigración/exilio en Bos Aires.
