Militar e matemático Ingresou no corpo de enxeñeiros da armada co grao de alférez de fragata en 1855. Realizou estudos no estranxeiro: primeiro en Francia, cursou tres anos en París e fixo prácticas en diversos arsenais, e despois en Inglaterra. Cando regresou a España, aos 32 anos, era xa un prestixioso enxeñeiro naval. En 1879 figura como ...
Militar e matemático Ingresou no corpo de enxeñeiros da armada co grao de alférez de fragata en 1855. Realizou estudos no estranxeiro: primeiro en Francia, cursou tres anos en París e fixo prácticas en diversos arsenais, e despois en Inglaterra. Cando regresou a España, aos 32 anos, era xa un prestixioso enxeñeiro naval. En 1879 figura como inspector de enxeñeiros de mariña e director da Escola do Corpo. A súa primeira intervención oficial foi a inspección das obras de construcción dos buques que ían para Filipinas. Logo tivo outros destinos no Ferrol e na Habana. Cando morreu era inspector de primeira clase.
Nas súas viaxes polo estranxeiro tivo contacto coas novas correntes do pensamento europeo nos campos da investigación matemática e naval. Foi socio fundador da Sociedade Xeográfica de Madrid, e a raíz da publicación en 1879 da súa obra máis importante,
Elementos de Geometría Analítica, fixérono académico correspondente da Real Academia de Ciencias en 1883.
Postumamente, a Academia publicou un artigo de Domíngez Hervella titulado “Geometría analítica incluyendo las tendencias o direcciones de las cantidades”, que podería ser unha primeira parte dunha nova versión dos
Elementos de Geometría Analítica que nunca chegou a publicar.
Bibliografía:
Fontes impresas:
DOMÍNGUEZ HERVELLA, M. (1879):
Elementos de Geometría Analítica, Madrid: Estab. Tip. de Eduardo Cuesta.
DOMÍNGUEZ HERVELLA, M. (1910):
Apuntes para la reforma de la nomenclatura matemática, Madrid.
DOMÍNGUEZ HERVELLA, M. (1913): Geometría analítica, incluyendo las tendencias o direcciones de las cantidades,
Publicaciones de la Real Academia de Ciencias, XI: 420-440, 509-529, 785-803, 888-910.
Bibliografía secundaria:
ESCRIBANO BENITO, J. J. (1998): El imaginarismo según Rey y Heredia.
Llul, 21: 653-675.
ESCRIBANO BENITO, J. J. (2002): Os
Elementos de Geometría Analítica de Domínguez Hervella,
Gamma, 2: 66-70.
MORENO CASTILLO, R. (2004):
13 matemáticos galegos, Madrid: Editorial Anaya.
MORENO CASTILLO, R. (1992):
Pensamento Matemático en Galicia, Sada-A Coruña: Ediciós do Castro.
TABOADA CHIVITE, X. (1946):
Varones Ilustres de la comarca verinense, Madrid: Bolaños y Aguilar.
