José Antonio Quiroga Díaz

Licenciouse en Xeografía e Historia na especialidade de Xeografía (1986), graduouse en Xeografía Rural na Universidade de Santiago de Compostela (1987) e realizou o Máster en Formación Directivos na Universidad Autónoma Madrid (1994). É funcionario grupo A desde 1988.

Exerceu de profesor no IES Lama das Quendas de Chantada (1988-1998) e no CPI Dr. López Suárez de Escairón (1999-2004). Foi director da Escola Obradoiro Terras do Saviñao (1993-1996), director provincial SPEE-INEM en Lugo (2004-2011) e técnico de xestión de proxectos na Deputación de Lugo (2012-2015). Entre 2016 e 2018 foi deputado do Parlamento galego.

É presidente da Confederación Hidrográfica Miño-Sil e director do Ecomuseo de Arxeriz desde 2004.

É autor da guía As igrexas románicas da Ribeira Sacra (2018).