Irene Aláez

Licenciada en Dereito. Diploma de Estudos Avanzados en Dereito da Cultura pola Universidad Carlos III de Madrid e formación específica de Xestión de Fundacións e Institucións Artísticas e Culturais. Traballou en diferentes institucións de xestión privada como a Fundación Caixa Cataluña ou a Sociedade Estatal para a Acción Cultural Exterior (SEACEX); desde 2005 para o Ministerio de Asuntos Exteriores e de Cooperación, en concreto na Dirección Xeral de Relacións Culturais e Científicas, na coordinación da Unidade de Artes Visuais, encargada, entre outras cuestións, da promoción da cultura española no exterior, a través de eventos, exposicións itinerantes, bienais e festivais internacionais etc.