Débora Campos Vázquez

Cursou a licenciatura en Ciencias da Comunicación na Universidade de Bos Aires e estudou en Taller Escuela Agencia (TEA). Traballou como xornalista en medios como Clarín, El Día, Página/12, Vieiros e Radio Galega. É profesora de xornalismo na UBA e dinamizadora de actividades culturais galegas en Bos Aires, como por exemplo coordinar xunto a Andrea Cobas Carral o ciclo de literatura galega 'Lectores galegos en Bos Aires', desenvolvido no Café Tortoni ata 2012 e no Centro Cultural de España en Bos Aires (CCEBA) e na Biblioteca Galega de Bos Aires.