Carme Pereiro Felípez

É licenciada en Filoloxía Hispánica, na especialidade de Galego-Portugués, pola Universidade da Coruña. A súa formación inclúe o Curso de Aptitude Pedagóxica, o Ciclo Superior de Galego na Escola Oficial de Idiomas e numerosos cursos relacionados coa lingua, literatura, formación de profesorado, dinamización lingüística, linguaxe administrativa... En canto á experiencia laboral pasou por ser profesora de cursos de lingua, linguaxe xurídica e administrativa para distintas entidades (Xunta, Deputación, Universidade da Coruña, Administración do Estado, sindicatos…), de ensino secundario e bacharelato, por ser bolseira do Servizo de Normalización Lingüística da Coruña e por traballar como técnica de normalización lingüística na Administración local. Actualmente ocupa o posto de normalizadora lingüística no Concello de Carballo. No seu traballo como normalizadora, tanto no Agrupamento A Baña-Negreira como en Carballo, participa en proxectos colaborativos como Club de debate; Youtubeiras, do que asumiu a coordinación de varias edicións; Apego, desde a súa primeira edición; Enreguéifate; TeColing da Universidade de Santiago de Compostela... Tamén participou como persoal técnico na creación da Asociación de Entidades Locais pola Lingua Galega (Alingua), na que neste momento Carballo ocupa a Presidencia dentro da Directiva. Participou en publicacións da Universidade da Coruña e de Santiago de Compostela (Profesionaliza a túa lingua e Muller inmigrante, lingua e sociedade).