María Isabel Míguez González

Doutora en Comunicación, Publicidade e Relacións Públicas. Profesora titular na Facultade de Comunicación da Universidade de Vigo, onde imparte docencia de Dirección de Comunicación (Grao en Publicidade e Relacións Públicas) e de Dirección Estratéxica de Comunicación Dixital (Máster en Comunicación en Medios Sociais e Creación de Contidos Dixitais). No ano 2016 creou SEPCOM (Grupo de Investigación en Comunicación para o Servizo Público), do que continúa sendo coordinadora. Actualmente é, xunto co profesor Alberto Dafonte Gómez, investigadora principal do proxecto «Narrativas digitales contra la desinformación: estudio de redes, temas y formatos en los fact-checkers iberoamericanos», financiado pola Axencia Estatal de Investigación, dentro do Plan Nacional de I+D+i.