Cayetano Córdova Iturburu

Poeta, escritor, periodista e crítico de Arte. Cursou os seus estudos nos colexios nacionais de La Plata , Concepción del Uruguay e Mariano Moreno de Bos Aires. Iniciouse no Xornalismo no diario La Razón e literariamente ca revista Inicial. Colaborou despois, integrando o equipo dos seus iniciadores, co xornal Martín Fierro. A súa produción como poeta comenzou ca colección "El árbol, el pájaro y el bosque " (1923) e "La danza de la luna" (1926). Logo, continuou publicando poemas en diarios e revistas literarias, ata 1945 en que apareceu "El viento en la bandera". En 1953 as edicións "Flor y Truco" de Diamante, Entre Ríos, publicaron a primeira antoloxía das súas obras poéticas. En 1967 aparecen os seus libros "Dónde se habla de las cosas" y "Patria Argentina". Como ensaista e crítico literario publicou entre outros "España bajo el comando del pueblo" (1938), unha reportaxe dos frentes e a retagarda da Guerra Civil Española; "Cuatro Perfiles" (semblanzas político literarias, 1941); "Vida y doctrina de Sócrates", "Soledad" (novela); "Diccionario de la actualidad mundial", "Cómo ver un cuadro" (1954); "La pintura argentina del siglo XX" (1958); "Pintura Argentina en la colección Acquarone" e "La Revolución Martinfierrista" (1962). En 1934 afiliase ao partido comunista, do que é expulsado no ano 1948 despois dun debate con Rodolfo Ghioldi sobre a arte realista e a vanguarda artística na Unión Soviética. Colaborou en diarios e revistas especializados en temas artísticos e tivo ao seu cargo a crítica de arte, sucesivamente, dos diarios Clarín e El Mundo, a revista El Hogar. Foi presidente da Sociedad Argentina de Escritores (SADE) nos períodos 1965-1967 e 1967-1969. Foi membro da Comisión Directiva da Asociación Argentina de Críticos de Arte e membro da Asociación Internacional de Críticos de Arte, con sede en París. Tamén formou parte do PEN Club Internacional e da Academia Argentina Rubén Darío. En 1971 incorporouse á Academia Nacional de Bellas Artes.