Emisións galegas na BBC

Xornada

Emisións galegas na BBC

21 de xuño de 2022
Santiago de Compostela
Xornada

Emisións galegas na BBC

21 de xuño de 2022 Santiago de Compostela
Ás 23:45 horas do 14 de abril de 1947 comezaba a primeira programación radiofónica estable en galego, unha xanela aberta á difusión da lingua e da cultura galegas en pleno franquismo desde a máis prestixiosa emisora do mundo, a BBC de Londres.

Os micrófonos do Galician Programme permitiron oír desde calquera aldea de Galicia colaboracións das figuras máis importantes da nosa cultura ata que en 1956 as presións do Goberno de Franco acabaron con el. O espazo emitíase, cunha duración variable, cada tres semanas dentro do Spanish Programme, alternándose cos dedicados ás culturas catalá e vasca.

“As emisións en lingua galega dende a BBC de Londres son un capítulo sobranceiro e moi significativo da estratexia do galeguismo para estar presente no espazo internacional da comunicación logo da desfeita que significou a Guerra Civil. Unha acción estratéxica desde o exilio interior, principalmente de persoas arredor de vellos militantes do Partido Galeguista que por aquelas datas estaban a configurar a Editorial Galaxia” salienta o presidente da Real Academia Galega, Víctor F. Freixanes.

Ao se cumpriren 75 anos do inicio desas emisións, o Consello da Cultura Galega quere reivindicar o valor daquela experiencia e render homenaxe aos seus artífices.
Ficha técnica
Xornada.
Emisións galegas na BBC
Data
21 de xuño de 2022
Lugar

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202 / Fax: 981 957 205

Coordinación
Xulio Ríos
Participante
Leyre Arrieta Alberdi
Inma Gil Rosendo
Guy Hedgecoe
Margarita Ledo Andión
Cinto Niqui Espinosa
María Xosé Porteiro García
Tino Santiago
Luís Zaragoza Fernández
Organiza
Comisión Técnica de Relacións Institucionais e Acción Exterior (CCG)
Consello da Cultura Galega