PERSOAS

Kathleen N. March

----
  1. Inicio
  2. Proxectos do Consello da Cultura Galega
  3. Persoas

Kathleen N. March

1949 Rochester (Nova York, EUA)
NOTA: Nesta páxina lístanse as referencias a unha persoa en diferentes proxectos, eventos ou publicacións do Consello da Cultura Galega. Trátase dun proxecto de etiquetado en continuo crecemento e ampliación, e que non está concluído. En ningún caso, a páxina pretende ser unha biografía da persoa mencionada nin incorporará materiais externos ao CCG ao respecto.

Biografía de Kathleen N. March

1949- Rochester (Nova York, EUA)
Kathleen Nora March naceu en Rochester (NY) en 1949 e formouse como especialista en estudos hispánicos, latinoamericanos e portugueses; na actualidade é catedrática emérita de Español na University of Maine. En 1975 veu a Galiza para investigar sobre a poesía de Manuel Antonio e aquí quedou prendida, galega por elección. Logo virían estudos sobre Carvalho Calero, Castelao, Luz Pozo, Xohana Torres e tamén Rosalía, a quen nos ensinou a ler como a literata consciente que foi, en diálogo permanente co pensamento e coa literatura universal do seu tempo. Segundo a propia Kathleen, foi a lectura e análise de La hija del mar o que a inspirou para estudar, a partir de 1988, a sempre complexa intersección entre literatura, feminismo e nacionalismo en Galicia. As súas traducións de Cunqueiro, Rosalía e Otero Pedrayo son outra faceta dun traballo académico imprescindíbel, que axudou á proxección da literatura galega no ámbito anglosaxón. Nos anos 80 fundou e presidiu a Galician Studies Association (a actual Asociación Internacional de Estudos Galegos), que se revelou como unha utilísima ferramenta para impulsar os estudos galegos na academia norteamericana e, posteriormente, no ámbito internacional. Muller radicalmente comprometida coas súas ideas, a partir do ano 2000 — tras varias décadas de docencia universitaria — Kathleen March comezou a desenvolver nas aulas un método de ensino estruturado como un servizo aberto á comunidade, o que a levaría a traballar, xunto ao seu alumnado, en Honduras, desenvolvendo diversos proxecto sociais, culturais e pedagóxicos. Sempre inqueda, é tamén doutora en Creación Literaria pola University of Maine dende 2002, e recentemente comezou a publicar, baixo o formato de libro de artista, as súas versións ao inglés de Las literatas e Lieders de Rosalía de Castro. Nos últimos anos Kathleen Nora March está a recibir numerosos galardóns e recoñecementos polo seu labor, como o Premio da Cultura Galega no apartado de Proxección Exterior, que lle foiconcedido en 2015.
Hístórico no Consello da Cultura Galega1
  • Dende 2022
    Comisión técnica temporal para a elaboración do proxecto Seara, portal de tradución de poesía galega ao inglés
    Cargo: Coordinación científica
    Órgano:-

Publicacións nas que participou Kathleen N. March

Portada de Rosalía de Castro no século XXI. Unha nova ollada
LIBRO. ACTAS

Rosalía de Castro no século XXI. Unha nova ollada

Febreiro - Xuño 2013
  • 2014
  • Autoría
Portada de O exilio galego: actas do congreso e repertorio biobibliográfico
LIBRO

O exilio galego: actas do congreso e repertorio biobibliográfico

  • 2007
  • Autoría
Portada de O exilio galego de 1936: política, sociedade, itinerarios
LIBRO

O exilio galego de 1936: política, sociedade, itinerarios

  • 2006
  • Autoría
Portada de Actas do Congreso Internacional de Estudos sobre Rosalía de Castro e o seu tempo (v.1)
LIBRO. ACTAS

Actas do Congreso Internacional de Estudos sobre Rosalía de Castro e o seu tempo (v.1)

Santiago, 15-20 de xullo de 1985
  • 1986
  • Autoría

Kathleen N. March nas actividades do CCG

XIII CONGRESO DA ASOCIACIÓN INTERNACIONAL DE ESTUDOS GALEGOS

  • 2022
  • Congreso

Ler como feminista.
Kathleen March

Rosalía no contexto internacional: paralelismos e influencias; difusión e actualidade

Rosalía de Castro no SXXI. Unha nova ollada

Artigos

MARCH, K. (2/1987) A patria de Xohana Torres. Festa da palabra silenciada. (04), 25 .
Ver artigo Fonte da dixitalización: Feministas Independentes Galegas;
Mencións:
MARCH, K. (12/1991) A procura dun eros galego: os contos eróticos de Xerais. Festa da palabra silenciada. (08), 39 .
Ver artigo Fonte da dixitalización: Feministas Independentes Galegas;
Mencións:
MARCH, K. (1994) ¿O que é a crítica literaria feminista? Unha perspectiva norteamericana. Festa da palabra silenciada. (10), 71-75.
Ver artigo Fonte da dixitalización: Feministas Independentes Galegas;
Mencións:
MARCH, K. (2008) Nación e xénero na poesía de Eiléan Ní Chuilleanáin. Festa da palabra silenciada. (24), 167-173.
Ver artigo Fonte da dixitalización: Feministas Independentes Galegas;
Mencións:
Kathleen N. March

Galeria

Visita guiada á exposición pola súa protagonista
2016. Visita guiada á exposición pola súa protagonista
Galería
Retrato de Kathlen March Georgiana Spicer Hull e Nora Pamelia Hull, respectivamente avoa e nai de Kathleen Nora March (Ithaca, Nova York, 1912). Nora Pamelia Hull, nai de Kathleen Nora March, aos 16 anos (Ithaca, Nova York, 1927). Familia de Kathleen Nora March. De esquerda a dereita, a irmá Lilith, a avoa Georgiana, a tía Gladys, o tío George, a nai Nora Pamelia e o pai George Frederick (1937). Retrato de estudio de Kathleen March arredor dos 6 meses (Palmyra, 1950) Kathleen Nora March coa nai (Palmyra, 1950). Kathleen Nora March co pai pescando o seu primeiro peixe á idade de 11 meses (Alexandria Bay, St. Lawrence River, 1950). Kathleen Nora March (á esquerda) coa amiga Diane aos 15 anos no soportal da súa casa en Palmyra. Kathleen Nora March (á dereita) na praia de Daytona Beach (verán de 1964). Retrato de Kathleen Nora March no penúltimo ano de bacharelato (1966). Kathleen Nora March (no centro) cun grupo de amizades de México e os Estados Unidos de América (Buffalo, 1977). Retrato de Kathleen Nora March a comezos do seu primeiro doutoramento na New York University (Buffalo, verán 1975). Retrato de Kathleen Nora March (1997). Kathleen Nora March no mercado de Santa Rosa de Copán, Honduras (2005). Kathleen Nora March co gato do Orfanato de nenos San José. Santa Rosa de Copán, Honduras (2006). Kathleen Nora March nunha das súas estancias en Honduras, Departamento de Copán (2006). Aula de castelán da University of Maine. Kathleen Nora March está sentada no chan; é a terceira comezando pola esquerda (2008). Kathleen Nora March en barquiña de totora do Lago Titikaka (Perú, 2009). Kathleen Nora March en Santa Rosa de Copán, Posada de Carlos y Blanca. Aula de servizo á comunidade (2010). Instantanea tomada por Kathleen March cando participou nos actos convocados pola AELG co gallo dos 125 anos do nacemento de Rosalía. Kathleen Nora March con Marica Campo (2011). Kathleen Nora March con John Patrick Thompson en Cardiff durante a celebración do Congreso AIEG (2012). <cite>Morte de Lillian</cite>. Pintura de Kathleen Nora March (2013). Momento da intervención de Kathleen Nora March no I Concurso escolar de poesía Rosalía de Castro organizado pola Fundación Rosalía de Castro na Casa da Matanza (2013). <cite>Memento: Palmyra</cite>. Pintura de Kathleen Nora March (2014). <cite>Dornas</cite>. Pintura de Kathleen Nora March (2014). Momento da intervención de Kathleen Nora March (no centro) no Congreso Internacional <cite>Rosalía de Castro no Século XXI. Unha nova ollada</cite>, organizado polo CCG. Acompáñana, á súa dereita, María Teresa Caneda e, á súa esquerda, María do Cebreiro Rábade Villar (2014). <cite>De catro a catro</cite> de Kathleen Nora March. Libro de artista, baseado en Manoel-Antonio, University of Southern Maine (Portland, 2014). Kathleen Nora March impartindo clase de inglés para estranxeiras (Topsham, 2014). Chapeu de festa a aguia. Serigrafía de Kathleen Nora March baseada na novela <cite>El caballero de las botas azules</cite>. Kimberleigh Adriana, filla de Kathleen Nora March, co gato Polly (Brunswick, 2015) Ramón Suárez Alvarez e Kathleen Nora March na casa de Patricia Alonso en Bos Aires onde ten lugar o congreso da AIEG (2015). Unha intervención de Kathleen Nora March no congreso da AIEG (Bos Aires, 2015). <cite>A lembrada</cite>. Flag book (libro de artista) feito por Kathleen Nora March co nome da casa da súa aldea, Santa Baia de Camba (2015). Interior de <cite>A lembrada</cite>, libro de artista de Kathleen Nora March (2015). Tarxeta de artista, con nome de estudo, Brunswick (Maine 2016). Retrato de Kathleen Nora March para o web da AELG. Kathleen Nora March, de pé, á dereita con roupa azul, alumna da aula de arte da University of Southern Maine (Portland, 2016). Kathleen Nora March coa súa filla (detrás dela) e outros persoeiros da cultura galega no acto do 109 aniversario do pasamento de Rosalía de Castro celebrado na Casa da Matanza (Padrón 1994) Con nenos na biblioteca «Kathleen Nora March» en Dulce Nombre de Copán (2007).