Biografía de África López Souto
1966- A CoruñaÁfrica López (A Coruña, 1966) é profesora de Filosofía no IES Urbano Lugrís de A Coruña así como coordinadora da súa Biblioteca. Anteriormente foi profesora noutros institutos en Pontevedra, Marín, Padrón, Carballo e A Coruña. Escribiu libros sobre Concepción Arenal (2004) e Simone de Beauvoir (2008) na colección Pensamento da editorial Baia. Tamén unha unidade didáctica sobre a película Concepción Arenal, a visitora de cárceres (2014). Así mesmo, realizou a revisión temático-filosófica da tradución ao galego de O segundo sexo, de Simone de Beauvoir (na editorial Xerais, 2008). Ademais, é autora de numerosas recensións de ensaios filosóficos na revista Ágora e outras así como de artigos en revistas e xornais. Doutourouse en Filosofía no ano 1999 cunha tese titulada “O individuo na filosofía de Michel Foucault”.
África López Souto nas actividades do CCG
Artigos
LóPEZ SOUTO, Á. (2008) O segundo sexo: unha obra de obrigada visita. Festa da palabra silenciada. (24), 144-147.
Ver artigo Fonte da dixitalización: Feministas Independentes Galegas;
LóPEZ SOUTO, Á. (2009) Cavilacións en torno a retratos de mulleres. Festa da palabra silenciada. (25), 151-158.
Ver artigo Fonte da dixitalización: Feministas Independentes Galegas;