18:00 horas
Presentación
18:15 horas
Despois do entusiasmo. Creatividade e traballo creativo na Cultura-Rede
Remedios Zafra dialoga con África López
Remedios Zafra naceu en Zuheros, Córdoba, en 1973. Ensaísta e pensadora española. Profesora de Arte, Estudos de Xénero e Cultura Dixital na Universidade de Sevilla e profesora titora de Antropoloxía no grao de Filosofía da UNED. Licenciada en Antropoloxía Social e Cultural e licenciada en Belas Artes, estudos de doutoramento en Filosofía Política, Mestrado Internacional en Creatividade e Doutora en Arte. O seu traballo ensaístico logrou importantes premios e recoñecementos nacionais e internacionais, como o Premio Anagrama de Ensaio 2017, Premio Estado Crítico ao mellor ensaio de 2017, Premio das Letras El Público 2014, Premio Málaga de Ensaio 2013, Premio de Ensaio Caja Madrid 2004, Premio Nacional de Ensaio Carmen de Burgos 2000, Premio de Investigación da Cátedra Leonor de Guzmán 2001, Premio Literario Mujeres del Medio Rural y Pesquero do Goberno de España 2006, Mención de honra no Premio de Escritos sobre Arte 2009, Premio de Comunicación da Associació de Dones Periodistes de Catalunya 2010 e Premio Meridiana de Cultura do Instituto Andaluz de la Mujer 2014. A súa obra foi traducida a varios idiomas.
É autora dos ensaios: El entusiasmo. Precariedad y trabajo creativo en la era digital (Anagrama, 2017); Ojos y capital (Consonni, 2015); (h)adas. Mujeres que crean, programan, prosumen, teclean. (Páginas de Espuma, 2013); Un cuarto propio conectado. (Ciber)espacio y (auto)gestión del yo (Fórcola, Madrid, 2010); Sempre connessi. Spazi virtuali e costruzione dell’io (ed. Giunti, Italia, 2012); A connected room of one’s own. (Cyber)space and (self)management of the self (Fórcola, Madrid, 2012); Netianas. N(h)acer mujer en Internet (Lengua de Trapo, Madrid, 2005); Habitar en (punto)net. Estudios sobre mujer, educación e Internet (Universidad de Córdoba, 2004); Las cartas rotas. Espacios de igualdad y feminización en la Red (Almería, 2005); e-dentidades. Loading-Searching-doing-cartografías del sujeto online (Web-Side, Mediateca CaixaForum, 2004). Coordinou e editou, entre outros, o primeiro libro Ensayos sobre género y ciberespacio (Briseño, Madrid, 2010). Da súa obra creativa salientan as novelas: Los que miran (Fórcola, Madrid, 2016); #Despacio (Caballo de Troya, Penguin Random House, 2012); Lo mejor (no) es que te vayas (Ministerio de Agricultura, Medio Rural y Pesquero do Goberno de España, 2007) e Historia de una mujer sin nombre, Briseño, Madrid, 2012). www.remedioszafra.net
África López (A Coruña, 1966) é profesora de Filosofía no IES Urbano Lugrís de A Coruña así como coordinadora da súa Biblioteca. Anteriormente foi profesora noutros institutos en Pontevedra, Marín, Padrón, Carballo e A Coruña. Escribiu libros sobre Concepción Arenal (2004) e Simone de Beauvoir (2008) na colección Pensamento da editorial Baia. Tamén unha unidade didáctica sobre a película Concepción Arenal, a visitora de cárceres (2014). Así mesmo, realizou a revisión temático-filosófica da tradución ao galego de O segundo sexo, de Simone de Beauvoir (na editorial Xerais, 2008). Ademais, é autora de numerosas recensións de ensaios filosóficos na revista Ágora e outras así como de artigos en revistas e xornais. Doutourouse en Filosofía no ano 1999 cunha tese titulada “O individuo na filosofía de Michel Foucault”.