Concha Castroviejo
Santiago de Compostela, 6/ 12/1910 - Madrid, 10/12/1995Autoría: Nanina Santos
Crítica e escritora de moi singular dicir, acusada independencia e forte personalidade
A súa infancia e xuventude discorren entre Compostela, Paizás (Vedra), períodos estivais na Retirosa (Cangas) e no internado do colexio de freiras de Praceres (Marín).
A pesar da oposición do pai, que lle procurara unha esmerada educación, teima en realizar estudos regrados de bacharelato para acceder á universidade, onde contacta e se integra nos círculos da mocidade entusiasta coa II República; entre outros, Paco Comesaña, Borobó e Joaquín Seijo Alonso, con quen ennoiva. Ían casar o 25 de xullo de 1936. O golpe de estado militar e a Guerra Civil cámbiano todo. Testifica a favor de Paco Comesaña no xuízo sumarísimo que se segue contra el en Santiago de Compostela o 23 de decembro de 1936, acusado de comunista e alterador de masas. Isto colócaa nunha posición difícil e busca como saír.
Aproveita unha viaxe do industrial Gaspar Massó nos comezos de 1937 e marcha para Bordeos. Logo reúnese con Seijo en Valencia, onde casan. Posteriormente, el combate na fronte do Ebro e ela reside en Barcelona até o terrible éxodo no frío febreiro de 1939 de Figueres-Port Bou á fronteira francesa, onde son recibidos co “Allez…! Allez…!” dos soldados coloniais senegaleses.
Consegue chegar a Bordeos aproveitando contactos feitos anteriormente e o seu estupendo manexo do idioma e alí vive até que marcha para México, vía Nova York, no vapor Normandía.
Nos difíciles dez anos que pasa no exilio mexicano traballa en Campeche, en Tijuana e, sobre todo, en México D.F.
En decembro de 1949 chega ao porto da Coruña coa súa filla María Antonia Seijo, de oito anos. De 1951 a 1953 traballa en La Noche, o diario vespertino de Santiago de Compostela dirixido por Goñi. Asina como Concha Castroviejo e Asela, ao mesmo tempo que fai os cursos para a obtención do carné de xornalista que convoca en Madrid a Escola Oficial de Periodismo dependente a Delegación Nacional de Prensa, dirixida polo líder das JONS, Juan Aparicio.
En setembro de 1953 marcha para Madrid a traballar no diario Informaciones. É columnista, dirixe o suplemento infantil e, entre 1962-1966, exerce de titular da crítica e contribúe ao boom da literatura hispanoamericana.
É das pouquísimas mulleres que realizan este labor e a única que neses anos forma parte do xurado dos honoríficos e prestixiosos Premios da Crítica e é membro da Asociación Internacional de Críticos Literarios. Escribe en Ínsula, La Estafeta Literaria, Cuadernos de Occidente, Cuadernos Hispanoamericanos, Blanco y Negro, Grial e noutras publicacións sometidas a unha implacable censura previa até a Lei Fraga de 1966, que animaba a censura de editores e a autocensura.
Na crítica deixa un traballo inmenso; aborda obras literarias, eruditas, históricas, ensaios...
Na creación literaria, explora rexistros diferentes:
A interesante, boa e valente novela Los que se fueron narra a peripecia do éxodo republicano e do exilio en México. Valente polo que di e porque está escrita
no interiorpor unha exiliada recentemente retornada que co título Las Raíces y el tiempo se presenta ao Premio Nadal no ano 1952. En carta á súa irmá Pilar e a Eugenio Santos, do 10 de xaneiro de 1953, conta como se foi colocando a novela segundo as votacións até o resultado final -de estar entre as dez mellores, logo entre as catro primeiras a obter só dous votos na votación final-, a pesar de que non agardaba éxito ningún, sendo o tipo de obra que era. Achega ademais valiosas consideracións a respecto da novela e a teoría literaria. En 1956, co título actual e algunhas correccións, preséntaa ao Premio Planeta, editorial que a publica en 1957.
Víspera del odio, novela dura, forte, conta o odio de Teresa Nava, afogada na invivible vida dun matrimonio non querido e as paredes da casa como límite da liberdade.
El jardín de las siete puertas, publicado na colección La Ballena Alegre, reúne unha presa de contos e lendas e unha obra de teatro (Premio Doncel, 1961), que a revelan como unha boa escritora de literatura infantil.
Los días de Lina é un relato do retorno a ese paraíso perdido que é a infancia, da beleza e do discorrer plácido dos días sen responsabilidades.
Unha obra inédita dos seus últimos anos, publicada por fin en 2020, En las praderas del Gran Manitú, achega memorias dunha infancia en Compostela e reflexións sobre os animais e o ser humano. Un fermoso soliloquio!
Dez anos de enfermidade vascular e dexenerativa arrédana da vida pública activa. En decembro de 1995 morre na súa casa de Ribera del Manzanares, rodeada da filla, irmáns e sobriñas.
É ben considerar a Concha Castroviejo na súa posición fronteiriza: rompe
as regrasque se supón que debe cumprir
unha señoritacompostelá do seu tempo. Violenta as conviccións políticas e relixiosas da súa familia. Decide sobre a súa vida con resolución e valentía. Sae adiante no exilio traballando no que pode, retorna cunha filla pequena e consegue abrirse paso en terreos onde as mulleres son excepción: o xornalismo, a crítica e a literatura. Ocúpase de Galicia e do galego aínda que non escribe en galego. Presta atención aos traballos de plumas femininas e divúlgaos no seu labor de crítica cando isto apenas era tido en conta.
Unha muller de coraxe que sempre evidenciou un espírito moi libre e que deixa unha obra de mérito na crítica e na creación literaria.
Obra
Debido á súa extensión, ofrecemos a relación de títulos en«Obra de Concha Castroviejo» no apartado Documentación.
[Nota: o texto biográfico de Concha Castroviejo, escrito por Nanina Santos, foi publicado no Álbum de Mulleres en 2010.]
Como citar: Santos, Nanina : Concha Castroviejo. Publicado o 4/9/2024 no Álbum de Galicia (Consello da Cultura Galega) https://consellodacultura.gal/album-de-galicia/detalle.php?persoa=797. Recuperado o 20/03/2025
DOCUMENTACIÓN DE
«Dos arquivos do trasno». Ver Documento
Castroviejo, Concha: «Dos arquivos do trasno», Grial: Revista galega de cultura, 78 (outubro, novembro e decembro de 1982), 501-502.
Fonte: Consello da Cultura Galega. Biblioteca.
«O espello na serán». Ver Documento
Castroviejo, Concha: «O espello na serán», Grial: Revista galega de cultura, 52 (abril, maio e xuño de 1976), 264-265.
Fonte: Consello da Cultura Galega. Biblioteca.
«Cousas». Ver Documento
Castroviejo, Concha: «Cousas», Grial: Revista galega de cultura, 47 (xaneiro, febreiro e marzo de 1975), 140.
Fonte: Consello da Cultura Galega. Biblioteca.
«Los Pazos de Ulloa». Ver Documento
Castroviejo, Concha: «Los Pazos de Ulloa», Revista de Occidente, Madrid, 53 (1967), 243-245.
«Años de Colegio». Ver Documento
Castroviejo, Concha: «Años de Colegio», La Estafeta Literaria, 320-321 (xuño-xullo 1965), 63.
«Mujeres sin importancia». Ver Documento
Castroviejo, Concha: «Mujeres sin importancia», Galicia Emigrante, Bos Aires, 6 (novembro de 1954), 15-16.
Fonte: Consello da Cultura Galega. Arquivo da Emigración Galega.
«El inaudito teatro de Borobó». Ver Documento
Castroviejo, Concha: «El inaudito teatro de Borobó». En Presencia de Curros y D.ª Emilia. Vigo: Galaxia, 1951; (Colección Grial; 3), 82-86.
Fonte: Consello da Cultura Galega. Biblioteca.
Obra de Concha Castroviejo. Ver Documento
DOCUMENTACIÓN SOBRE
Neste artigo a autora, Raquel Conde Peñalosa, revisa a presenza dos animais na literatura de Concha Castroviejo. Ver Documento
Conde Peñalosa, Raquel: «Animales, valores e ideales en la creación de Concha Castroviejo». En Andrade Boué, Pilar e José Manuel Correoso Rodenas (coord.): Estudios de Literatura Comparada. 4: Misoginia y filoginia en el discurso literario europeo de la Edad Media, Teatro y literatura, Literatura y animales. Madrid: Sociedad Española de Literatura General y Comparada (SELGyC), 2024; 173-180.
Fonte: Documento facilitado por Raquel Conde Peñalosa.
Artigo de María Jesús Fariña Busto sobre as novelas de Concha Castroviejo Los que se fueron e Víspera del odio. Ver Documento
Fariña Busto, María Jesús: «De una novela de protagonismo colectivo a una novela de personaje: Los que se fueron y Víspera del odio, de Concha Castroviejo», Cuadernos para investigación de la literatura hispánica, 49 (2023), 291-324 (Exemplar dedicado a: Escribir. Resistir. Existir. A muller e a palabra no exilio)
Fonte: Cuadernos para investigación de la literatura hispánica / Fundación Universitaria Española
https://revistas.fuesp.com/
Prólogo á edición de O xardín das sete portas, de Concha Castroviejo. Ver Documento
Conde Peñalosa, Raquel: «Prólogo». En Castroviejo, Concha: O xardín das sete portas. Vigo: Belagua, 2022; 7-11.
Fonte: Documento facilitado por Raquel Conde Peñalosa.
Artigo sobre En las Praderas del Gran Manitú, publicado na revista Andaina. Ver Documento. Artigo
Conde Peñalosa, Raquel: «Concha Castroviejo: En las Praderas del Gran Manitú», Andaina: Revista galega de pensamento feminista, 71 (decembro de 2021).
Fonte: Documento facilitado por Raquel Conde Peñalosa.
Raquel Conde Peñalosa analiza en Nós diario a novela En las praderas del Gran Manitú de Concha Castroviejo. Ver Documento. Artigo
Conde Peñalosa, Raquel: «Conocer: A obra literaria de Concha Castroviejo», Nós Diario, (28 noviembre de 2020), 2-3.
Fonte: Documento facilitado por Raquel Conde Peñalosa.
Artigo de Raquel Conde Peñalosa sobre a obra Víspera del odio de Concha Castroviejo. Ver Documento. Artigo
Conde Peñalosa, Raquel: «Víspera del odio de Concha Castroviejo: una revisión a los roles de género en el siglo XX». En Romero, Yasmina e Cerullo, Luca (ed.): Incomodas. Escritoras españolas en el franquismo. León: Eolas Ediciones, 2020; 244-259.
Fonte: Documento facilitado por Raquel Conde Peñalosa.
Capítulo escrito por Gilda Perretta e dedicado á experiencia do desarraigamento na obra de Concha Castroviejo Los que fueron. Ver Documento
Perretta, Gilda: «
Fonte: Universidad de Salamanca / Dialnet.Como un caracol sin concha: la experiencia del desarraigo en "Los que fueron" de C. Castroviejo». En Crespo Vila, Raquel e Pastor Martín, Sheila (coord.): Dimensiones: el espacio y sus significados en la literatura hispánica. Madrid: Biblioteca Nueva, 2017; 269-276.
https://dialnet.unirioja.es
Selección bibliográfica de narrativa feminina de posguerra, por Raquel Conde Peñalosa. Ver Documento. Artigo
Conde Peñalosa, Raquel: «Selección bibliográfica: narrativa femenina de posguerra (1940-1965)», Signa: Revista de la Asociación Española de Semiótica, 13 (2004), 367-394.
Fonte: Signa / Dialnet.
https://dialnet.unirioja.es/
Análise da obra de Concha Castroviejo no ensaio La novela femenina de posguerra (1940-1960), de Raquel Conde Peñalosa. Ver Documento. Artigo
Conde Peñalosa, Raquel: La novela femenina de posguerra (1940-1960). Madrid: Pliegos, 2004; 230-269.
Fonte: Documento facilitado por Raquel Conde Peñalosa.
Concha Castroviejo na obra de Raquel Conde Peñalosa Mujeres novelistas y novelas de mujeres en la posguerra española (1940-1965): Catálogo bio-bibliográfico. Ver Documento
Conde Peñalosa, Raquel: Mujeres novelistas y novelas de mujeres en la posguerra española (1940-1965): Catálogo bio-bibliográfico. Madrid: Fundación Universitaria Española, 2004; 36, 180-181.
Fonte: Documento facilitado por Raquel Conde Peñalosa.
Lembranza de Concha Castroviejo por Francisco Fernández del Riego en La Voz de Galicia. Ver Documento
Fernández del Riego, Francisco: «Memoria de Concha Castroviejo», La Voz de Galicia, (15 de marzo de 1996), 8.
Fonte: La Voz de Galicia
Cinco «Anacos» de Borobó sobre a saga dos Alvaros, a familia Castroviejo e Blanco Cicerón e os interrogatorio nos calabozos da Porta do Sol de Montero Díaz. Aí están J. Seijo e Concha Castroviejo. Ver Documento
García Domínguez, Raimundo [Borobó]: «Anacos: La carrera de Derecho»; «Anacos: Un extraordinario matrimonio»; «Anacos: El alojamiento del peregrino»; «Anacos: La sobrina de la tía María»; «Anacos: Datos para la pequeña pantalla», Atlántico diario, (5, 6, 7, 8, 9 de agosto de 1991).
Concha Castroviejo vista por Luís Seoane na súa obra Figuraciós. Ver Documento. Artigo
Seoane, Luís: «Concha Castroviejo». En Braxe, Lino e Seoane, Xavier (ed.): Luís Seoane. Figuraciós. Sada (A Coruña): Ediciós do Castro, 1990; 121.
Fonte: Consello da Cultura Galega. Biblioteca.
Crítica de Víspera del odio de Concha Castroviejo, por José R. Marra-López. Ver Documento
Marra-López, José Ramón: «Castroviejo, Concha: Víspera del odio. Barcelona, Ed. Garbo, 1959.» Ínsula, 163 (1960),10.
Fonte: Ínsula, 163 (1960),10.
Ligazóns de interese
Biobibliografía de Concha Castroviejo, de Yolanda Arias Fernández, no DB-e da Real Academia de la Historia
Fonte: Real Academia de la Historia.
https://dbe.rah.es/
Rexistro de exiliada de Concha Castroviejo en PARES: Portal de Archivos Españoles
Fonte: Ministerio de Cultura. PARES.
https://pares.mcu.es/
«“Agora volvo á miña terra”: a narrativa de Concha Castroviejo no canon literario», conferencia de Raquel Conde Peñalosa na Facultade de Filoloxía e Tradución da Universidade de Vigo. 11 de abril de 2023
Fonte: UVIGO TV.
https://tv.uvigo.es/
Tomando como punto de partida a I Exposición del Libro Infantil de 1953, Pilar Pérez Barea fai un breve percorrido pola historia editorial da literatura xuvenil no artigo «Literatura juvenil en España contemporanea», Minotauro digital, (decembro de 2002)
Fonte: Minotauro Digital.
http://www.minotaurodigital.net/
Acceso en liña ao artigo «La narrativa de Concha Castroviejo», de Gregorio Torres Nebrera. Anuario de estudios filológicos, 35 (2012), 215-233
Fonte: Anuario de estudios filológicos / Dialnet
https://dialnet.unirioja.es/
Concha Castroviejo no espazo web Andaina: un apartado para lembrar a mulleres senlleiras
Fonte: Andaina de mulleres
https://www.andainamulleres.gal/
Manuel García Viñó teoriza sobre a novela española na entrevista realizada por Julia Sáez-Angulo
Fonte: Artes hoy: revista digital de las artes.
https://www.arteshoy.com/
«La mujer como Autora literaria», artigo de Carmen Bravo Villasante no monográfico La mujer en España da revista Historia 16. 145 (maio de 1988), 49-53
Fonte: Biblioteca Gonzalo de Berceo.
https://www.vallenajerilla.com/berceo/
Acceso ao estudo de Rosario Vega García «Literatura infantil y juvenil en la España de los años sesenta: La Ballena Alegre», publicado en Espéculo. Revista de estudios literarios, 42 (2009)
Fonte: Universidad Complutense de Madrid / Biblioteca Virtual Universal.
https://biblioteca.org.ar/
Breve perfil biográfico e anacos da tradución ao inglés da obra El Jardín de las siete puertas de Concha Castroviejo
Fonte: Google Books.
https://books.google.es/
Acceso en liña a Mulleres de Compostela, unidade didáctica para ESO e Bacharelato editada por El Patito Editorial.
Fonte: El Patito Editorial.
https://www.elpatitoeditorial.com/
Mediametraxe documental sobre Concha Castroviejo que resultou ganadora do Premio Xohana Torres 2017
Fonte: Ces Media Audiovisual.
https://www.cesmedia.es/
Obras de Concha Castroviejo na Rede de Bibliotecas Públicas de Galicia
Fonte: Catálogo da Rede de Bibliotecas Públicas de Galicia.
https://catalogo-rbgalicia.xunta.gal/
Videos
Concha Castroviejo, vídeo realizado pola Vicedirección do IES Rosalía de Castro
Fonte: IES Rosalía de Castro / YouTube.com
Concha Castroviejo. Arelas de liberdade, creación audiovisual de Aurora Marco e Pablo Ces gañadora do II Premio Xohana Torres
Fonte: Concello de Santiago de Compostela / YouTube.com
Charla coloquio La voz y el testimonio de Concha Castroviejo. Santander, 5 de maio de 2021
Fonte: La Vorágine Santander / YouTube.com
Raquel Conde Peñalosa, da Universidade de Deusto, fálanos da escritora Concha Castroviejo. 15 de marzo de 2021
Fonte: Incómodas. Escritoras españolas en el franquismo / YouTube.com
«Animalismo y otros exilios ideológicos: en Las praderas del Gran Manitú de Concha Castroviejo», relatorio de Asun Bernárdez no II Congreso internacional Territorios de la Memoria. Lucha y resistencia(s) feministas. Caminando hacia la igualdad. Universidad de Valladolid, 14 de abril de 2021
Fonte: Universidad de Valladolid / YouTube.com
«La violencia en la novela femenina de posguerra: Concha Castroviejo, Carmen Laforet y Ana María Matute», relatorio de Luca Cerullo. Università degli Studi di Palermo, 19 de maio de 2022
Fonte:
Referencias bibliográficas
- BOROBÓ [R. García Domínguez)]: “As películas de Antón Beiras e ss”, O novelo dos anacos e outros exemplos, Santiago de Compostela, Universidade, 2002, p. 84-105
- BRAVO VILLASANTE, C.: Historia de la literatura infantil española Madrid, Escuela Española, 1979, p. 237-238
- MARCO, A.: “Castroviejo, Concha”, Diccionario de mulleres galegas. Vigo, A Nosa Terra, 2005
- MARCO, J. e GRACIA, J.: La llegada de los bárbaros. La recepción de la literatura hispanoamericana en España, 1960-1980 Barcelona, Edhasa, 2004, p. 1183.
- MIEZA, C. “Concha Castroviejo” entrevista de 1972 en La mujer del español, Barcelona, Marte, 1977, p. 123-137.
Publicacións periódicas
Mundo Gallego [1952-53] (1952-1953) .
1ª Época: Revista de Galicia en Madrid
2ª-3ª Época: Órgano Oficial del Centro Gallego de Madrid
4ª Época: Revista del Centro Gallego de Madrid
