Descrición
A Real Academia Galega de Ciencias nomeou o matemático e astrónomo José Rodríguez González “Científico Galego do ano 2024”. Neste vídeo divulgativo (6´) cóntannos cal foi a participación deste científico galego na expedición internacional que permitiu establecer o metro como unidade de medida. Así mesmo, o astrónomo José Ángel Docobo explícanos, coa axuda dun teodolito, en que consiste a triangulación xeodésica, a técnica empregada por esta expedición para medir a prolongación do meridiano de Dunkerque-Barcelona a Formentera.