Neste episodio de "Aquelando con chispa" (16´ 20´´) Manuel Vicente e David Ballesteros, coa colaboración do alumnado do Colexio Maristas de Vigo, fálannos das diferentes cores que pode ter a auga e da información que estas cores nos ofrecen en relación ao seu estado. A través da realización de experimentos, xogan coa temperatura da auga e as cores, coa capilaridade e coas densidades de diferentes substancias, e tamén nos ensinan en que consiste a cromatografía en papel.
