Os plásticos son materiais poliméricos moi empregados polas súas extraordinarias propiedades, pero a incorrecta xestión dos plásticos convencionais, os derivados do petróleo, convérteos nun serio problema medioambiental. Neste vídeo divulgativo (3´ 39´´) Anuska Mosquera, catedrática da USC e investigadora do CRETUS, explícanos en que consiste o proxecto de investigación no que participa, onde a partir da tecnoloxía PRETENACC están a crear plásticos biodegradables a partir de aceites de cociña usados.
