Os raios cósmicos son partículas subatómicas de altísima enerxía que chegan á Terra procedentes do espazo exterior. Neste vídeo divulgativo (5´ 21´´) Lorenzo Cazón, investigador do IGFAE (Instituto Galego de Altas Enerxías), fálanos dos experimentos do Observatorio Pierre Auger, situado na Pampa arxentina, onde se estuda a orixe e natureza dos raios cósmicos máis enerxéticos coñecidos.
