Descrición
Desde o principio dos tempos as humanidades, que estudan as dimensións culturais, artísticas e sociais do ser humano, estiveron integradas en todos os saberes, pero a partir do século XIX prodúcese unha fenda entre os estudos humanísticos e a cultura científica. Neste vídeo divulgativo (4´) Laura Lojo, profesora da USC e membro do Instituto de Investigación en Humanidades (iHUS), axúdanos a entender cales son as liñas de traballo que se desenvolven neste centro, centradas en analizar cuestións complexas actuais como poden ser as novas tecnoloxías, o medio ambiente, a saúde ou as migracións.