Historias de ida e volta

Material

Historias de ida e volta
Novas realidades migratorias a América nos anos centrais do século XX

Emigrante galego diante dun pozo petrolífero en Lagunillas, 1961

Detalle

Antonio era contable mercantil e emigrou a Venezuela coa súa esposa en 1959. Ambos os dous eran unha parella moza que iniciaban a súa vida en común nun país que lles ofrecía un amplo abano de posibilidades para medrar laboral e economicamente. Na parte de atrás da foto Antonio escribe: "Foto del petróleo que adquirí en mi paso por el Lago de Maracaibo (me deja una renta de Bs. 6000 diarios)". O desenvolvemento da economía venezolana estaba baseado na explotación petrolífera, que naqueles anos estaba en mans privadas. E, como vemos, os emigrantes que estaban en mellor posición económica podían participar mercando accións nas explotacións e obter grandes beneficios.

Metadatos

• Data: 01/05/1961
• Tipo de material: Imaxe. Retrato. Fotografía
• Etiquetas:
  emigración
• Localización física:
  Arquivo da Emigración Galega do Consello da Cultura Galega
• Notas:
  Fondo: Consello da Cultura Galega. Arquivo da Emigración Galega. Col. particular de Pilar Osende Barallobre
• Localizacións:
  : Lagunillas, estado de Zulia, Venezuela;