Descrición
Vídeo didáctico (6´ 34´´) que che axudará a entender as pegadas que deixaron na paisaxe os períodos de glaciación e deglaciación. Descubrirás cando se produciu a última gran glaciación e en que consiste o chamado “Evento Heinrich”. Tamén aprenderás a identificar as diferentes formas modeladas polo xeo no Courel (morena da Seara, horn de Formigueiros, lagoa da Lucenza, circo glaciar do Valecín, bloque errático de Vilarbacú…).
O vídeo foi elaborado polos membros do proxecto XeoClip 2019, integrado por Rocío Romar Roel, Alberto Fortes Novoa, Fernanda Molto Roibal e Xacobo de Toro Cacharrón.