Historias de ida e volta

Material

Historias de ida e volta
150º Aniversario da Sociedad de Beneficencia de Naturales de Galicia

Socio nº 884 da Sociedad de Beneficencia de Naturales de Galicia

Detalle

Coma no resto de asociacións étnicas, o rexistro de socios é un instrumento imprescindible para o control de ingresos, evolución do número de asociados, organización das distintas actividades e posta en marcha de iniciativas sociais. O proceso de identificación de socios leva consigo a utilización de fichas cos correspondentes datos persoais de cada asociado e asociada. Vemos aquí un exemplo en que este socio ourensán de 44 anos ten adxudicado o número 884 e a súa afiliación coa Sociedad de Beneficiencia de Naturales de Galicia é proposta por dous socios máis antigos. Os datos que se rexistran de cada asociado corresponden ao nome completo, idade, familiares, domicilio actual e os cambios deste en caso de producirse, para poder enviarlle a correspondencia relacionada cos diferentes actos da dita sociedade, convocatorias para asistir ás asembleas da entidade, así como a súa localización por calquera outra razón.

Metadatos

• Data: 00/00/1932
• Tipo de material: Imaxe.
• Etiquetas:
  emigraciónmigracións
• Localización física:
  Arquivo da Emigración Galega. Consello da Cultura Galega
• Notas:
  Fondo: Consello da Cultura Galega. Arquivo da Emigración Galega
• Entidades:
  Creación:Sociedad de Beneficencia de Naturales de Galicia de Cienfuegos
  
• Localizacións:
  : A Habana, Cuba;