Material
Historias de ida e volta
150º Aniversario da Sociedad de Beneficencia de Naturales de Galicia
Panteón social de “Naturales de Galicia”, cemiterio Colón, A Habana, 1963
Detalle
Nesta imaxe aparecen varios membros da SBNG diante do panteón social. Construído en 1936, trátase dun dos máis amplos e vistosos monumentos funerarios do cemiterio Colón. O material empregado para a súa construción foi granito natural noruegués e mármore. Está composto por 472 nichos e ten capacidade para 1121 osarios. Aínda que non se aprecia na fotografía, en cada esquina aparecen esculpidos os escudos das catro provincias galegas e no centro hai unha escultura en bronce que representa a unha familia aflixida.A maioría dos xardineiros do cemiterio eran galegos, asistían os enterramentos e facíanlles aos panteóns particulares e aos das sociedades un mantemento mensual. Pertencían ao “Club de Jardineros del Cementerio de Colón”, eran sepultureiros de oficio e o seu posto de traballo pasaba dunha xeración a outra. Tiñan unha casa propia cun local para reunións e o resto da edificación destinábano ao alugamento.