Descrición
Sabías que hai tempo se podía pasar camiñando de Vigo a Cangas polo fondo mariño da ría? O nivel do mar foi moldeando ao longo dos séculos o debuxo da costa galega e na actualidade todos os modelos científicos prevén que no futuro este nivel vaise incrementar. Nesta reportaxe (15´ 08´´) emitida pola Televisión de Galicia en xaneiro de 2022 descubrirás, da man de diferentes científicos, que incidencia poder ter este incremento do nivel do mar en Galicia e que medidas cómpre tomar para mitigar as consecuencias do cambio climático nas nosas costas.