Coellos, cobaias, furóns, papagaios ou réptiles convertérense co paso do tempo en mascotas habituais nos nosos fogares. Con todo, moitos destes animais non se adaptan de xeito doado á vida doméstica e precisan coidados especiais. Neste vídeo divulgativo (4´), pertencente á serie #DesmontadoMitos de GCiencia, Ángela González (doutora en veterinaria da USC) explícanos o comportamento natural dalgúns destes animais, unha información que cómpre ter en conta para que a convivencia non se faga complicada.
