Historias de ida e volta

Material

Historias de ida e volta
As asociacións microterritoriais da emigración galega en Cuba

A música como elemento de unión e de identidade cultural: a Rondalla Ferrolana, A Habana, 1908

Detalle

Na primeira década do século XX comezaron a agromar numerosas asociacións étnicas de implantación localista. Os emigrantes da comarca de Ferrol residentes na Habana comezaron a reunirse para organizar actividades festivas e culturais coa música como elemento definidor. Formaron unha rondalla que realizou numerosas actuacións no seo da colectividade galega da capital cubana. O 14 de xuño de 1909 os seus integrantes decidiron constituír unha asociación baixo a denominación de Ferrol y su Comarca, coa finalidade de crear e manter centros de ensino en cada un dos concellos da comarca. Este ambicioso obxectivo tivo que moderarse, e só temos constancia dos seus numerosos envíos de cartos para a construción dunha escola con todos os adiantos hixiénicos e educativos en Moeche. Foi dedicada ao ensino primario e chegou a contar no ano da súa inauguración, 1920, con 60 alumnos, que recibían un plan didáctico baseado nas máis modernas teorías pedagóxicas.

Metadatos

• Data: 00/00/1908
• Tipo de material: Imaxe. Fotografía
• Etiquetas:
  emigraciónasociaciónsacción sociocultural
• Localización física:
  Arquivo da Emigración Galega do Consello da Cultura Galega
• Notas:
  Fondo: Consello da Cultura Galega. Arquivo da Emigración Galega
• Entidades:
  Propiedade:Sociedad de Beneficencia y Protección Mutua Ferrol y su comarca. A Habana
  
• Localizacións:
  orixe: A Habana, Cuba; mención: Ferrol, A Coruña;