Material
Proxector
M de Moeda. 'Insert coin': Galicia pioneira do vil metal
Descrición
Neste vídeo divulgativo (3´ 45´´) Alba Tomé retrotráese ao século V, cando o rei suevo Requiario mandou acuñar a primeira moeda medieval galega, para falarnos da circulación monetaria na Galicia medieval. Tamén descubrirás que pegada deixaron os visigodos, o Camiño de Santiago e os reis de León e Castela na numismática do Reino de Galicia.Esta peza, con guión de Alba Tomé e edición de Elena Martín, forma parte da serie audiovisual Dicionario da Galicia histórica. Un reino do A ao Z, promovida polo xornal Gciencia.


