Vídeos
A procura de vida máis aló do sistema solar
Isabel Rebollido Vázquez, investigadora na Axencia Europea do Espazo (ESAC) en Madrid, fálanos nesta charla divulgativa (46´ 13´´) das condicións que serían agardables para poder atopar vida máis aló do sistema solar.
Esta charla tivo lugar en xuño de 2024 no marco do curso Fronteiras, desde a orixe do universo ata a exploración espacial, organizado pola Real Academia Galega de Ciencias.
Esta charla tivo lugar en xuño de 2024 no marco do curso Fronteiras, desde a orixe do universo ata a exploración espacial, organizado pola Real Academia Galega de Ciencias.
Antonia Ferrín Moreiras e outras mulleres astrónomas
Nuria Richer, coordinadora do grupo “Muller e Astronomía” da Agrupación Astronómica Coruñesa Ío, fálanos nesta charla divulgativa (43´ 30´´) da astrónoma galega Antonia Ferrín Moreiras, a primeira muller que realizou unha tese sobre astronomía en España. Tamén nos presenta outras mulleres que ao longo da historia foron referentes nesta área, incidindo nos atrancos e na desigualdade de xénero que aínda existen actualmente no campo da investigación astronómica.
A charla tivo lugar en xullo de 2022 no marco do ciclo “Falando de natureza”, organizado polo Grupo Naturalista Hábitat.
Material complementario:
-Materiais didácticos sobre astronomía
A charla tivo lugar en xullo de 2022 no marco do ciclo “Falando de natureza”, organizado polo Grupo Naturalista Hábitat.
Material complementario:
-Materiais didácticos sobre astronomía
As tres leis de Kepler do movemento planetario
Vídeo de divulgación científica (3´ 20´´) no que Xabier Pérez Couto nos explica, na súa canle AstroXabi, en que consisten as tres leis de Kepler, fundamentais para comprender a mecánica de calquera sistema planetario. Johannes Kepler foi un matemático e astrónomo alemán que no século XVII revolucionou o coñecemento científico sobre o movemento dos planetas e as súas leis serviron de inspiración para a lei da gravitación universal, formulada por Isaac Newton.
O camiño do Sol a través da paixaxe
Fernando Rey Daluz, biólogo especializado en imaxe científica e astrofotografía, explícanos nesta charla (26´ 08´´) como afecta o percorrido do Sol e mais o solpor na paisaxe, desde o punto de vista da creación e produción de contidos gráficos de temática astronómica. Así mesmo, preséntanos un dos proxectos nos que participa: Solpor Fisterra, que conseguiu monitorizar o percorrido e as postas de Sol desde o Cabo Fisterra.
Esta charla tivo lugar no marco de A luz da ciencia. Dolmen de Dombate. Aulas científicas 2021, unha iniciativa dirixida por Jorge Mira e organizada pola Deputación da Coruña e mais o Concello de Cabana de Bergantiños.
Esta charla tivo lugar no marco de A luz da ciencia. Dolmen de Dombate. Aulas científicas 2021, unha iniciativa dirixida por Jorge Mira e organizada pola Deputación da Coruña e mais o Concello de Cabana de Bergantiños.
O ceo de outono
Tes pensado facer algunha saída astronómica este outono? Xabier Pérez Couto explícache neste vídeo (7´ 03´´) cales son as principais constelacións que podes atopar no ceo durante esta estación, e tamén che fala dos obxectos do ceo profundo.
O evento de Traspena
Manuel Andrade Baliño, profesor da Área de Astronomía e Astrofísica da USC, preséntanos (desde 1´ 51´´ ata 33´ 34´´) a investigación realizada na USC arredor do meteorito de Traspena, que constitúe un fito na astronomía galega, ao tratarse da primeira caída ben documentada dun meteorito en Galicia, e tamén da primeira ocasión na que o cálculo da traxectoria atmosférica e o da órbita heliocéntrica se realizan por investigadores do país, concretamente da USC.
Esta charla académica impartiuse no marco do acto de presentación do meteorito de Traspena, que tivo lugar o 13 de xaneiro de 2023 no Museo de Historia Natural da USC.
Esta charla académica impartiuse no marco do acto de presentación do meteorito de Traspena, que tivo lugar o 13 de xaneiro de 2023 no Museo de Historia Natural da USC.
O luceiro da mañá
Grazas á aplicación Stellarium, a Casa das Ciencias da Coruña ofrécenos a posibilidade de observar o ceo nocturno desde a casa como se estivésemos nunha sesión do seu planetario. Neste vídeo didáctico (3´ 30´´) terás a oportunidade de observar o astro máis brillante despois do Sol e da Lúa: o planeta Venus.
O sistema solar
Neste vídeo didáctico (6´ 55´´) Blanca Castro Gerpe, profesora de Xeografía e Historia no IES Lucus Augusti, fálanos do sistema solar, un conxunto de corpos celestes formado polo Sol e polos planetas, satélites, cometas e meteoros que xiran arredor del.
A peza está dirixida a alumnado de 1º da ESO.
A peza está dirixida a alumnado de 1º da ESO.
Partículas con velocidades imposibles: que son os raios cósmicos?
A radiación cósmica é un tema complexo e escasamente tratado que presenta aínda moitas incógnitas. Neste vídeo divulgativo (4´ 52´´) Mauro Garrido explícanos que son os raios cósmicos, de onde veñen estas partículas e por que teñen velocidades tan altas.
Este traballo recibiu unha mención de honra no VI Concurso de Comunicación Científica do IGFAE, organizado en 2023 polo Instituto Galego de Física de Altas Enerxías.
Este traballo recibiu unha mención de honra no VI Concurso de Comunicación Científica do IGFAE, organizado en 2023 polo Instituto Galego de Física de Altas Enerxías.
Que estuda a astrofísica?
Vídeo didáctico (1´), difundido pola Área de Cultura Científica da UVigo, no que descubrirás de xeito rápido e sinxelo, da man da investigadora Ana Ulla, cal é o obxecto de estudo da rama da astronomía que denominamos "astrofísica".