Vídeos
A Academia de Enfermería de Galicia
A Academia de Enfermería de Galicia foi creada en 2023 para apoiar, difundir e darlle visibilidade á ciencia da enfermaría. Nesta charla divulgativa (17´ 17´´) o seu presidente, Isidoro Rodríguez Pérez, explícanos con detalle cales son as funcións desta entidade.
A charla foi organizada en xuño de 2023 pola Axencia de Coñecemento en Saúde (ACIS).
A charla foi organizada en xuño de 2023 pola Axencia de Coñecemento en Saúde (ACIS).
A detección e intervención en violencia de xénero no ámbito da enfermaría
A traballadora social Celsa Perdiz dialoga neste vídeo (10´ 48´´) con Mar de la Peña, enfermeira e coordinadora do grupo de traballo de violencia de xénero da Consellería de Sanidade, sobre o importante labor que desenvolven os profesionais da enfermaría na detección e intervención de casos de violencia de xénero.
Esta peza divulgativa foi elaborada pola Axencia Galega de Coñecemento en Saúde (ACIS).
Esta peza divulgativa foi elaborada pola Axencia Galega de Coñecemento en Saúde (ACIS).
Aproximación ao sistema ABCDE
Vídeo didáctico (1´ 28´´ ) elaborado no marco do curso “Coidados de enfermaría en emerxencias vitais”. Nesta peza explícannos os conceptos básicos do sistema ABCDE, empregado para a valoración inicial do paciente en situacións de emerxencia.
O vídeo foi elaborado pola Axencia Galega de Coñecemento en Saúde (ACIS).
O vídeo foi elaborado pola Axencia Galega de Coñecemento en Saúde (ACIS).
Diagnóstico e educación nutricional
Antonio Rodríguez, profesor da Facultade de Enfermaría da USC, preséntanos neste vídeo (2´ 38´´) o proxecto de aprendizaxe e servizo (ApS) “Diagnóstico e educación nutricional nun escenario real”, no que colaboran o alumnado de enfermaría e o de ciencias da educación, co ánimo de aprender aspectos básicos da educación para a saúde no que respecta á nutrición. O obxectivo final é que os nenos e as nenas aprendan como deben alimentarse para chegar a acadar no futuro cidadáns formados e autónomos que saiban levar unha vida máis saudable.
Elvira López Mourín: primeira enfermeira da aviación sanitaria española
Vídeo divulgativo (10´ 18´´) no que se fai un retrato biográfico de Elvira López Mourín, unha enfermeira orixinal de Láncara (Lugo) que formou parte do primeiro voo de carácter sanitario da historia de España, realizado o 1 de novembro de 1922 co obxectivo de socorrer os feridos da batalla de Tizzi Azza en Marrocos.
Grazas á súa entrega e valentía foi merecente no seu momento do recoñecemento dos reis Alfonso XIII e Victoria Eugenia. Case un século despois, Elvira López Mourín protagonizou o selo de Correos co que se conmemorou en 2020 o Ano Internacional das Enfermeiras e Matronas.
Grazas á súa entrega e valentía foi merecente no seu momento do recoñecemento dos reis Alfonso XIII e Victoria Eugenia. Case un século despois, Elvira López Mourín protagonizou o selo de Correos co que se conmemorou en 2020 o Ano Internacional das Enfermeiras e Matronas.
Encamados, cambios posturais e vida activa
Vídeo breve (1' 45'') no que o Colexio de Fisioterapeutas de Galicia ofrece recomendacións para mobilizar, tanto activa como pasivamente, e realizar cambios posturais cos pacientes encamados. Forma parte da colección "Consellos para vivir mellor".
Galegas na ciencia: Ramona Vaamonde
Vídeo divulgativo (1´ 24´´) no que Carmela Cela nos presenta a biografía de Ramona Vaamonde (1907-1997), microbióloga e profesora da Universidade de Santiago de Compostela. Durante a guerra civil o seu laboratorio convértese no Laboratorio de Farmacia Militar de Santiago, onde se producen os fármacos para os soldados de guerra e nesta mesma etapa a nosa protagonista acada tamén o título de enfermeira. En 1975 o seu papel foi decisivo na detección do virus do cólera en Santiago, evitando deste xeito unha epidemia.
Grao en Enfermaría na USC
Neste vídeo divulgativo (2´ 05´´) preséntase o Grao en Enfermaría que pode estudarse na USC. Descubrirás que funcións desempeña un/unha titulado/a neste grao, que saídas profesionais ten, cales son as características xerais do título e que materias forman parte do plan de estudos.
Este vídeo está dirixido a alumnado de ensino secundario e elaborouse no marco do programa “A Ponte entre o Ensino Medio e a USC”.
Este vídeo está dirixido a alumnado de ensino secundario e elaborouse no marco do programa “A Ponte entre o Ensino Medio e a USC”.
Homenaxe á enfermaría
Vídeo de TED (10´ 49´´) no que Carolyn Jones reivindica a importancia dos profesionais da enfermaría dentro do sistema sanitario, tanto polo traballo que desenvolven cos propios pacientes como cos seus familiares. Neste vídeo amósanos as historias persoais dalgúns dos enfermeiros e enfermeiras que coñeceu durante os cinco anos que pasou traballando na realización dun documental, que representan o heroico labor que este colectivo profesional desenvolve a diario.
Tradución ao galego de Claudia Ríos.
Tradución ao galego de Claudia Ríos.
Isabel Zendal. A muller galega que participou na 1ª campaña de vacinación
Vídeo divulgativo (13´ 45´´) no que Carmela Cela nos fai un retrato biográfico de Isabel Zendal, unha muller galega, orixinaria de Ordes, que está considerada como a primeira enfermeira da historia en participar nunha misión humanitaria internacional. A enfermeira Isabel Zendal participou na Real Expedición Filantrópica da Vacina (1803-1812) , dirixida polo doutor Francisco Xavier Balmis co obxectivo de levar a vacina da varíola a América.
Manexo da vía aérea
Vídeo didáctico (5´ 10´´) no que se explica como se realiza o manexo avanzado de osixenación e ventilación dun paciente inconsciente.
A peza foi elaborada pola Axencia Galega de Coñecemento en Saúde (ACIS) no marco do curso “Coidados de enfermaría en emerxencias vitais”.
A peza foi elaborada pola Axencia Galega de Coñecemento en Saúde (ACIS) no marco do curso “Coidados de enfermaría en emerxencias vitais”.
O Grao Medio en Coidados Auxiliares de Enfermaría
Gustaríache saber de que trata o Grao Medio en Coidados Auxiliares de Enfermaría? O alumnado do CIFP Fontecarmoa (Vilagarcía de Arousa) explícacho neste vídeo divulgativo. Descubrirás en pouco máis de 2 minutos cales son as funcións e as principais saídas profesionais dos técnicos/as en coidados auxiliares de enfermaría.