Metodoloxía e criterios sobre restauración de instrumentos históricos. Estado da cuestión en Galicia

Xornada.

Metodoloxía e criterios sobre restauración de instrumentos históricos. Estado da cuestión en Galicia

Mércores, 15 de febreiro de 2017
Santiago de Compostela
Xornada

Metodoloxía e criterios sobre restauración de instrumentos históricos. Estado da cuestión en Galicia

Mércores, 15 de febreiro de 2017 Santiago de Compostela

A xornada Metodoloxía e criterios sobre restauración de instrumentos históricos. Estado da cuestión en Galicia xorde do interese da Sección de Música e Artes Escénicas do Consello da Cultura Galega de sensibilizar a sociedade sobre a importancia do noso patrimonio musical instrumental. Ademais desta finalidade divulgativa, quere servir de punto de encontro de especialistas para coñecer o estado da cuestión en Galicia e debatermos sobre o futuro co fin de mellorar a comunicación entre os diferentes profesionais e a sociedade. Para iso, contaremos coa presenza de dúas persoas expertas no ámbito galego e estatal que nos achegarán aspectos relativos á restauración, normativa xurídica, ferramentas de investigación e de difusión dos instrumentos musicais. Oli Xiráldez, na súa dobre faceta de restaurador e tamén reprodutor de instrumentos antigos, así como artesán de gaitas e frautas galegas, o que o converte nun gran coñecedor no eido dos aerófonos en Galicia. Cristina Bordas, pola súa banda, é una figura de primeiro nivel na temática que nos ocupa, con numerosos escritos e proxectos de difusión do patrimonio cultural e experta, entre outros, no ámbito da violería, do seu gremio e dos instrumentos históricos. Ambos os especialistas permitirannos incidir na necesidade de contar con estudos previos rigorosos e documentados que favorezan o vínculo entre o obxecto e a súa historicidade e valor cultural. Tamén, coñecer de primeira man o traballo da restauración e reprodución de instrumentos antigos para así poñer de relevo o noso patrimonio instrumental e a súa transmisión a futuras xeracións como testemuño material da propia historia. 


Imaxe: Jose Luis Cernadas Iglesias, Catedral de Ourense. https://creativecommons.org/licenses/by/2.0/legalcode (imaxe recortada)


 

ASISTENCIA

INSCRICIÓN
A inscrición é gratuíta.
O número de prazas é limitado (100 persoas).
As prazas cubriranse por rigorosa orde de inscrición.
Entregarase diploma acreditativo de asistencia á xornada.
Para obter o diploma é preciso asistir ao 75% das sesións.

LUGAR

LUGAR
Consello da Cultura Galega
Pazo de Raxoi, 2º andar
Praza do Obradoiro, s/n
15705, Santiago de Compostela
Tel.: 981 957 202 / Fax: 981 957 205

MAÍS INFORMACIÓN

MÁIS INFORMACIÓN
www.consellodacultura.gal
difusion@consellodacultura.gal
Consulta os materiais en http://consellodacultura.gal/mediateca

Ficha técnica 
Xornada.
Metodoloxía e criterios sobre restauración de instrumentos históricos. Estado da cuestión en Galicia
Cando
Mércores, 15 de febreiro de 2017
Onde
Santiago de Compostela
Enderezo

LUGAR
Consello da Cultura Galega
Pazo de Raxoi, 2º andar
Praza do Obradoiro, s/n
15705, Santiago de Compostela
Tel.: 981 957 202 / Fax: 981 957 205

Coordinación
Xosé V. Ferreirós
Sergio Sieiro
Inauguración
Maximino Zumalave Caneda
Relator/a
Cristina Bordas
Oli Xiráldez
Organiza
Sección de Música e Artes Escénicas (CCG)

Imaxe da portada: Jose Luis Cernadas Iglesias, Catedral de Ourense. https://creativecommons.org/licenses/by/2.0/legalcode (imaxe recortada)