Conferencia
L’area galega nella preistoria linguistica d’Europa
L’area galega nella preistoria linguistica d’Europa
Santiago de Compostela
O filólogo Francesco Benozzo, profesor da Universidade de Bolonia e director da revista Studi celtici, acudiu ao CCG para expoñer ante un público constituído por filólogos, arqueólogos, prehistoriadores e xenetistas algúns aspectos sobre a aplicación á área galega da Teoría da Continuidade Paleolítica, un novo paradigma da prehistoria lingüística de Europa.
Segundo Benozzo, esta teoría, xurdida na última década, volve poñer o celtismo de actualidade. “Galicia pertence a unha área étnico-lingüística de orixe protocéltica —afirmou—, como o demostra a presenza do megalitismo celto-atlántico que, se nos remontamos a unha época posterior ao Mesolítico, é o máis antigo de Europa despois do bretón.”
Engadiu que todos os indicios (toponímicos, fonéticos, arqueolóxicos, relixiosos e xenéticos) “describen, sobre a base dunha indubidable evidencia acumulativa, un celtismo orixinario da área lusitano-galaica, moito máis antigo que o celtibérico e probablemente máis arcaico que o demostrado para o galo na Francia actual”.
LUGAR
Consello da Cultura Galega
Pazo de Raxoi, 2º andar
Praza do Obradoiro, s/n 15705
Santiago de Compostela
Tel.: 981 957 202 / Fax.: 981 957 205
MAÍS INFORMACIÓN
www.consellodacultura.gal
difusion@consellodacultura.gal
Consulta os materiais en http://consellodacultura.gal
ASISTENCIA
A inscrición é gratuíta.
O número de prazas é limitado (100 persoas).
As prazas cubriranse por rigorosa orde de inscrición.
Entregarase diploma acreditativo de asistencia á xornada.
Para obter o diploma é preciso asistir ao 75% das sesións.
