Xornada - A música ten ondas coma o mar. Sábado, 28 de setembro de 2024
Xornada

A música ten ondas coma o mar

  1. Inicio
  2. Eventos
  3. Xornada

Xornada

A música ten ondas coma o mar

A música e Vicente Risco

Sábado, 28 de setembro de 2024
Allariz
Xornada

A música ten ondas coma o mar

A música e Vicente Risco

Sábado, 28 de setembro de 2024 Allariz
Na casa de dona María del Carmen Fernández Gómez consérvanse un piano, algunhas das súas partituras, unha mandolina en proceso de restauración e unha morea de artigos do seu home, Vicente Risco, sobre a música: desde a música popular a moitas outras e desde o estudo etnográfico do folclore á reflexión que ofrece o seu gozo.

Nesta xornada tratarase a música na época de Risco, o legado musical que alberga a casa e as constelacións musicais de Risco, mais tamén haberá música, porque esta habita a casa e percorre toda a súa vida.

A música sobrevíveos, a María del Carmen Fernández nas súas partituras e no seu piano, que soará unha vez máis, e a Vicente Risco na súa Panxoliña, con voz de Victoria de los Ángeles e música de Cristóbal Halffter, no ronsel do encontro con Frederic Mompou en Carros de Galicia e na creación actual de “Loba branca”, unha das lendas polas que se interesou Risco e que agora o talento do compositor Brais González nos trae en forma de ópera para podermos escoitala por primeira vez en galego, na súa versión orixinal, no Teatro Principal de Ourense; e que nos lembra que a nosa historia é un trampolín para o futuro, falamos do que foi para alicerzar o que vén, todas as músicas que seguirán enriquecendo a nosa cultura.

“Hai máis Atlántidas. Eu tamén teño unha Atlántida”, dixo Risco no seu artigo “Atlántida e Atlántidas”, tras escoitar na radio a estrea da obra de Manuel de Falla. Pois ben, esta xornada é outra Atlántida, ese tesouro mergullado, quen sabe en que coordenadas do abismo da historia, que contén parte da relación inmensa e intensa que tiveron don Vicente e dona María del Carmen coa música.

Esta xornada debía ser a primeira e teríana que seguir outras máis para abranguer esa inmensidade. De momento gocemos deste comezo.

INSCRICIÓN: O número de prazas para asistir á actividade é limitado a 20 persoas. A inscrición cubrirase por rigorosa orde de chegada.
Programa
A música ten ondas coma o mar
Programa en PDF
Ópera Loba branca de Brais González
Documento en PDF
Prensa
27-09-2024

Unha xornada analiza o legado musical de Risco e María del Carmen Fernández

Temáticas
Literatura
Ficha técnica 
Xornada
A música ten ondas coma o mar
A música e Vicente Risco
Cando
Sábado, 28 de setembro de 2024
Onde
Allariz
Lugar

Fundación Vicente Risco
Rúa San Lourenzo, nº 3
32660, Allariz

Coordinación
Samuel Diz
Xosé Rodríguez Díaz
Organiza
Consello da Cultura Galega
Fundación Vicente Risco
Fundación Vicente Risco
Colabora
Concello de Allariz
Concello de Allariz
Teatro Principal de Ourense
Teatro Principal de Ourense

Imaxe da portada: Debuxo orixinal de Vicente Risco