Xornada - O final do franquismo (1973-1977). 17 de decembro do 2024
Xornada

O final do franquismo (1973-1977)

  1. Inicio
  2. Eventos
  3. Xornada

Xornada

O final do franquismo (1973-1977)

17 de decembro do 2024
Santiago de Compostela
Xornada

O final do franquismo (1973-1977)

17 de decembro do 2024 Santiago de Compostela
@ConsellodaCultura

Gravación íntegra do video En directo: O final do franquismo (1973-1977)

Poucos días despois desta xornada haberá 50 anos —medio século, quen o diría!— da morte de Francisco Franco. Os historiadores xogamos cunha pequena vantaxe, sabemos o que pasou despois. Imaxinemos que non coñecemos o que pasou tras as primeiras eleccións democráticas dende o ano 1936. Poñamos o foco na análise desa ditadura que hoxe si sabemos que tiña os seus anos contados.

Cal era o punto de partida cara á construción dunha democracia. Porque mentres o réxime se manifestaba firme ata o final, o recordo da democracia de corenta anos antes atopábase esvaído, case unha fantasía, unha utopía… Comprender que unha sociedade como a galega e a española dos anos setenta puidese chegar a entenderse e pensar nun futuro en común non foi tarefa doada. Entre outras cuestións porque todos os voceiros do Estado e das súas elites insistiron durante décadas precisamente en que a orixe do drama colectivo da Guerra Civil e da represión posterior fora aquilo: a democracia.

Todos os testemuños da época, orais e escritos, particulares e oficiais, falan duns meses finais da ditadura que nunca manifestou debilidade. A Transición non foi unha ‘balsa de aceite’. As tensións eran evidentes. O conflito era asumido como algo natural. Isto non foi exactamente unha historia pacífica. Foi un camiño de enfrontamentos, de conflitos, de loita, de esforzo polos avances, pero tamén de mantemento de inercias que pugnaban a favor do conservadorismo, para conservar e manter… unha ditadura.

Organizamos esta xornada como parte do peche do convenio asinado entre o grupo de investigación HISPONA (USC) e o Consello da Cultura Galega para a dixitalización e visualización do Fondo Galego de Propaganda Política da Transición Democrática Miguel Gutiérrez, que ten como obxectivo contextualizar e recordar aquel pasado dende múltiples puntos de vista: violencia, réxime político, militares, espazos rurais, feminismo, clientelismo, nacionalismo… Enfoques diversos sobre eses anos cruciais para o desenvolvemento da Galicia actual.
Programa
O final do franquismo (1973-1977)
Programa en PDF
Ficha técnica 
Xornada
O final do franquismo (1973-1977)
Cando
17 de decembro do 2024
Onde
Santiago de Compostela
Lugar

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202

Coordinación
Emilio Grandío
Organiza
Consello da Cultura Galega
HISPONA (USC)

Imaxe da portada: Fondo Galego de Propaganda Política da Transición Democrática Miguel Gutiérrez. Consello da Cultura Galega