Difusión - Centro Benéfico Social Hijos de La Estrada. Venres, 17 de xaneiro de 2025
Repertorio da prensa da emigración

Centro Benéfico Social Hijos de La Estrada

  1. Inicio
  2. Repertorio da prensa da emigración
  3. Difusión

Repertorio da prensa da emigración

Centro Benéfico Social Hijos de La Estrada

Venres, 17 de xaneiro de 2025
consellodacultura.gal
Difusión
Repertorio da prensa da emigración

Centro Benéfico Social Hijos de La Estrada

consellodacultura.gal

Centro Benéfico Social Hijos de La Estrada

Repertorio da prensa da emigración
Accede ao contido

O Repertorio da prensa da emigración galega, proxecto que mantén o Arquivo da Emigración Galega (AEG) do Consello da Cultura Galega (CCG), incorpora este mes de xaneiro un número especial da publicación da sociedade Centro Benéfico Social Hijos de La Estrada, creada en Caracas en 1959. Trátase dun número conmemorativo que permite coñecer a historia da sociedade e inclúe creacións de distintos xéneros entre as que destaca a partitura do pasodobre “Estrada-Caracas” composta para a ocasión polo entón director da Banda da Estrada, Eulogio López Masid.
Nesta entrega súbese un número especial que se editou en 1982, cando se cumpría o 22º aniversario da fundación da sociedade Centro Benéfico Social Hijos de la Estrada. Son 160 páxinas nas que se realiza unha descrición da historia do Centro desde a súa fundación e un percorrido pola xeografía, cultura e historia da Estrada e de Galicia en xeral. Inclúe unha carta do presidente da sociedade, Luís Veiga Rodríguez, e outra do daquela presidente da Xunta de Galicia, Gerardo Fernández Albor, así como de Jesús Durán, Manuel Brea Porto e Jose Luis Jorge Caramés, naquel momento alcaldes dos concellos da Estrada, Forcarei e Cerdedo.

Complétase cunha serie de relatos, anécdotas e poesías. Inclúe tamén a partitura do pasodobre “Estrada-Caracas” que mestura ritmos de Venezuela e Galicia composta para ocasión por Eulogio López Masid, que fora director da Banda de Música Municipal de A Estrada durante 23 anos.

O Repertorio da prensa da emigración galega
En 1998, froito dun traballo de investigación dirixido por Vicente Peña Saavedra, nace o Repertorio da prensa da emigración galega, un proxecto que busca difundir o patrimonio documental producido pola comunidade galega do exterior e que, hoxe en día, mantén actualizado o Arquivo da Emigración Galega do Consello da Cultura Galega. Nel, recompílase unha relación das publicacións galegas (boletíns, xornais de información xeral, revistas culturais, prensa política, revistas e voceiros internos das asociacións de emigrantes, publicacións institucionais etc.) editadas tanto polas asociacións de emigrantes como por persoeiros destacados da colectividade galega. Aínda que os números das diferentes cabeceiras se poden consultar directamente nas instalacións do AEG, cada mes dixitalízanse novos exemplares que se poñen á disposición dos usuarios e usuarias para seren consultados en liña no web institucional do CCG.
Prensa
16-01-2025

Repertorio da prensa da emigración galega inclúe un número especial da sociedade venezolana Hijos de la Estrada

 
Difusión
Repertorio da prensa da emigración
Centro Benéfico Social Hijos de La Estrada
Data de publicación
Venres, 17 de xaneiro de 2025
Onde
consellodacultura.gal
Autoría
Arquivo da Emigración Galega (CCG)
Arquivo da Emigración Galega (CCG)