Biblioteca Central da Christian- Albrechts-Universität zu Kiel (CAU), do 8 de maio ao 2 de xuño de 2025Kiel
“Afonso X e Galicia” é un proxecto expositivo producido polo Consello da Cultura Galega en colaboración da Consellería de Cultura, Educación e Universidade da Xunta de Galicia e a Deputación de Ourense.
Comisariada polo Dr. Antoni Rosell (Universitat Autònoma de Barcelona), a mostra busca visibilizar a conexión con Galicia de Afonso X, no 800 aniversario do seu nacemento, a través das “Cantigas de Santa Maria” pero tamén noutros nexos máis profundos, ao tempo que amosa un intelectual que condensa outra forma de entender o saber do seu tempo.
A proposta expositiva busca compoñer un relato a modo de crebacabezas con varios niveis que permitirá achegarse á complexa e poliédrica figura de Afonso X, ás Cantigas de Santa María, como testemuño visual e sonoro da Idade Media galega e europea, aos instrumentos e á cultura galega da época.
A exposición inicia unha nova itinerancia por Alemaña. Nesta ocasión estará na Biblioteca Central da Christian-
Albrechts-Universität zu Kiel (CAU) acollida en colaboración co Centro de Estudos Galegos da Universidade de Kiel.
