Encontro - A memoria asolagada: Veigas de Camba e A Lama no Encoro das Portas. Domingo, 7 de setembro de 2025
Encontro

A memoria asolagada: Veigas de Camba e A Lama no Encoro das Portas

  1. Inicio
  2. Eventos
  3. IN SITU
  4. Encontro

IN SITU Encontro

A memoria asolagada: Veigas de Camba e A Lama no Encoro das Portas

Domingo, 7 de setembro de 2025
A Gudiña
Encontro
IN SITU

A memoria asolagada: Veigas de Camba e A Lama no Encoro das Portas

Domingo, 7 de setembro de 2025 A Gudiña
PRAZAS ESGOTADAS
Esta xornada in situ trata sobre territorio, memoria e patrimonio. O territorio é o val do río Camba, hoxe asolagado polo encoro das Portas, encaixado entre as dúas serras que o enmarcan: ao norte o Parque Natural do Invernadoiro (1550 m de altitude) e ao sur a Serra Seca (1100 m), que abranguen parte dos concellos de Castrelo do Val, Vilariño de Conso, Viana do Bolo e A Gudiña. Un lugar afastado e periférico do sueste de Galicia, espectacular polas súas paisaxes, pero non só por iso. A Serra Seca ten moita historia; foi secularmente, e aínda o é en menor medida, unha importante vía de comunicación entre Galicia e a meseta: primeiro Camiño Real, Verea Vella de Castela, camiño dos segadores, Camiño de Santiago, ferrocarril antigo e actualmente o trazado do AVE.

O encoro das Portas é coñecido como «o mar interior de Ourense». Anegou 1183 ha e a súa presa, con 141 m, é a máis alta de Galicia, aínda que o encoro sexa o segundo de Galicia en auga embalsada, con 536 hm3. Dá idea da súa envergadura que na construción da presa traballasen máis de 4000 persoas.

En febreiro de 1974, as últimas veciñas e veciños de Veigas de Camba tiveron que abandonar a aldea, pero a memoria que os une á súa terra fai que todos os anos sigan celebrando cunha romaría o día do seu patrón, san Martiño, na Venda da Capela, na Serra Seca. Este é o motivo polo que se elixiu o 7 de setembro para a realización desta xornada.

Pola mañá faremos unha visita guiada por este territorio. Pola tarde, nun marco interdisciplinario, reunimos persoal investigador das comarcas do sur e sueste da provincia de Ourense para reflexionar e dar a coñecer as características técnicas da construción do encoro, os múltiples elementos do patrimonio cultural que quedaron asolagados e os procesos xudiciais que mantiveron as veciñas e veciños das vilas asolagadas coa empresa construtora e, sobre todo, para rescatar a memoria das persoas de Campobecerros e Veigas de Camba na diáspora, a súa experiencia vital ao seren deportados e despoxados do seu lugar de nacemento e habitación secular e das súas terras máis fértiles.
Programa
A MEMORIA ASOLAGADA: VEIGAS DE CAMBA E A LAMA NO ENCORO DAS PORTAS
Programa en PDF
Prensa
07-09-2025

A veciñanza e especialistas destacan o impacto emocional e cultural da construción do encoro das Portas

06-09-2025

Unha xornada aborda na Gudiña o impacto cultural da construción do encoro das Portas

Ficha técnica 
Encontro
IN SITU
A memoria asolagada: Veigas de Camba e A Lama no Encoro das Portas
Cando
Domingo, 7 de setembro de 2025
Onde
A Gudiña
Lugar

Sesión da mañá:
11:00 horas
Lugar de saída da visita guiada: Hotel Bruma
R/ Beato Sebastián de Aparicio, 6
32540 A Gudiña

Sesión da tarde:
16:30 horas
Casa da Viúva
R/ Beato Sebastián de Aparicio, 40
32540 A Gudiña

Coordinación
Nieves Amado Rolán
Participante
Carlos Xabier Ares Pérez
José Mª Pérez López
Fernando Serrulla Rech
Organiza
Consello da Cultura Galega
Sección de Patrimonio e Bens Culturais (CCG)
Colabora
Concello da Gudiña
Concello de Vilariño de Conso
Xunta de Galicia

Imaxe da portada: Composición que simula un espello roto a partir das fotografías de Miguel López e Fernando Serrulla