VENRES 26 DE SETEMBRO
Centro Sociocultural Maruxa e Coralia
17:45 horas
Inauguración do festival
18:00 horas
Conferencia
Sexo e filosofía
Carlos Fernández Liria, filósofo, ensaísta, guionista e profesor titular da Universidad Complutense de Madrid
Presenta:
Antonio Fernández Seoane, profesor de Filosofía no ensino secundario e membro da Sección de Pensamento (CCG)
A nosa convicción é que non é posible adentrarse na profundidade do que se xoga na historia da filosofía se non é a partir dunha experiencia igualmente profunda. E iso que chamamos amor é a experiencia existencialmente máis grave e máis seria que todo o mundo experimentou algunha vez. Reflexionaremos, por tanto, sobre o que significa amor na expresión «facer o amor», para comprobar como o amor nos fai conectar espontaneamente cos temas máis importantes da filosofía, en especial coa idea de liberdade.
19:45 horas
Concerto
Meiga-i
Presenta:
Francisco Castro Veloso, editor, escritor, músico e membro da Sección de Pensamento
Conta, canta e enfeitiza acerca da diversidade sexual na procura da voz propia, inxustizas, prexuízos, amizades, diversión, traballos comunitarios ou memoria histórica cunha mensaxe de aceptación, liberdade e ilusión.
SÁBADO 27 DE SETEMBRO
Centro Sociocultural Maruxa e Coralia
11:00 horas
Conferencia
Hildegart Rodríguez Carballeira: nin tan virxe nin tan vermella, nin tan morta
Elena Lázaro Real, xornalista, doutora en Historia e mestrado en Estudos Históricos Avanzados
Presenta:
Ricardo Fandiño Pascual, especialista en Psicoloxía Clínica e membro da Sección de Pensamento
Falaremos sobre o pensamento e a obra de Hildegart Rodríguez Carballeira e as súas achegas á divulgación sexual e á saúde reprodutiva. Analizaremos o contexto histórico do pensamento euxenista e neomalthusiano europeo no que se enmarcaron os seus libros e conferencias, así como a popularización das súas ideas e pensamento feminista.
12:30 horas
Recital de poesía erótica
Presenta:
Celia Pereira Porto, avogada e coordinadora da Sección de Pensamento
-
Andrea F. Maneiro, poeta, gañadora do XVI Premio de Poesía Erótica Illas Sisargas co poemario
Edénicas e
Manuel Dopico Orjales, músico
-
Diana Kurich, poeta, gañadora do XVII Premio de Poesía Erótica Illas Sisargas co poemario
Feitas ao sisel, acompañada de
Inés Mirás e
Carme Campo.
-
Clara Vidal, poeta, gañadora do XVIII Premio de Poesía Erótica Illas Sisargas co poemario
Masaxe con argán mal pronunciada
18:00 horas
Centro Galego de Arte Contemporánea
deseXo
Talía Teatro
deseXo é un espectáculo de nova creación que nace a partir da seguinte pregunta: como afecta a pornografía ás nosas vidas? A proposta está concibida como unha reflexión en ton cómico sobre a ausencia xeneralizada da formación sexual na nosa comunidade, tanto no ámbito doméstico como no marco formativo regrado, e a súa substitución polo que se aprende na pornografía e nas redes sociais, coa consecuente aparición de malos hábitos, frustracións, estereotipos sexistas e unha excesiva presión á hora de manter relacións afectivo-sexuais. Ao remate, haberá unha posfunción coa sexóloga Bárbara Penas, asesora do espectáculo.
Esta actividade conta con formulario de inscrición propio ao se realizar fóra da sede do festival no CSC Maruxa e Coralia. Para asistir á representación teatral debes inscribirte
aquí.
LUGAR
Centro Sociocultural Maruxa e Coralia
Praza de Salvador Parga, 4
15704 Santiago de Compostela
Centro Galego de Arte Contemporánea
Rúa de Ramón del Valle-Inclán, 2
15703 Santiago de Compostela
