Mesa redonda - A arte do canto improvisado: tradición, ensino e perspectivas contemporáneas. 24 de setembro de 2025
Mesa redonda

A arte do canto improvisado: tradición, ensino e perspectivas contemporáneas

  1. Inicio
  2. Eventos
  3. Festival Internacional Outono de Teatro (FIOT)
  4. Mesa redonda

Festival Internacional Outono de Teatro (FIOT) Mesa redonda

A arte do canto improvisado: tradición, ensino e perspectivas contemporáneas

24 de setembro de 2025
Carballo
Mesa redonda
Festival Internacional Outono de Teatro (FIOT)

A arte do canto improvisado: tradición, ensino e perspectivas contemporáneas

24 de setembro de 2025 Carballo
A regueifa é un desafío oral improvisado en verso, tamén chamado desafío ou repente, que xa aparece na Idade Media como tenzón. A regueifa non é exclusiva de Galicia, tamén se practica noutras partes do mundo: en Euskadi ten unha longa tradición, en Cataluña organízanse encontros a nivel estatal, en Cabo Verde chámase finaçon, e os inuit realizan xustas dialécticas enfocadas en demostrar quen ten razón, sen intención de humillar ao outro. Tamén o rap comparte esa esencia, aínda que con códigos propios. En Galicia, a regueifa está documentada en zonas como Bergantiños, O Courel e Os Ancares, onde se coñecía como brindo ou loia, e celebrábase en vodas louvando ás familias. Nos anos 80, o evento deixou de centrarse na competición e converteuse nun espectáculo festivo.

A regueifa é esencial para a identidade cultural galega, preservando tradicións e saberes locais. Combina improvisación, rima e creatividade, fomentando a participación comunitaria. Nos últimos anos, a improvisación oral en verso estendeuse a moitos centros de ensinanza galegos e na actualidade a súa adaptación garante a conservación do patrimonio oral e a súa conexión coa cultura global, mantendo viva a tradición.

O Consello da Cultura Galega colabora co Festival Internacional Outono de Teatro (FIOT) de Carballo na organización da mesa redonda A arte do canto improvisado: tradición, ensino e perspectivas contemporáneas, que pon o foco na regueifa, un rico elemento do noso patrimonio cultural inmaterial. Nesta sesión, Domingo Blanco introducirá a historia do canto improvisado e logo moderará unha mesa na que participarán Manuel Maseda e Lupe Blanco, abordando temas como a educación e a situación actual desta tradición. Bergantiños é una terra rica nestas manifestacións, que en Carballo aínda se manteñen vivas a través de diversos proxectos que a poñen en valor.
Programa
A arte do canto improvisado: tradición, ensino e perspectivas contemporáneas
Programa en PDF
Festival Internacional Outono de Teatro (FIOT)
Programa en PDF
Prensa
19-09-2025

Unha mesa redonda sobre a regueifa centra a colaboración co FIOT de Carballo

Ficha técnica 
Mesa redonda
Festival Internacional Outono de Teatro (FIOT)
A arte do canto improvisado: tradición, ensino e perspectivas contemporáneas
Cando
24 de setembro de 2025
Onde
Carballo
Lugar

Pazo da Cultura de Carballo
Rúa do Pan, s/n
15100 Carballo

Coordinación
Alejo Amoedo Portela
Organiza
Arquivo Sonoro de Galicia (CCG)
Consello da Cultura Galega
Colabora
Concello de Carballo
Festival Internacional Outono de Teatro (FIOT)

Imaxe da portada: Romaría en Noia entre 1890-1900. Fotografía de Prieto Guerra. Depósito: Real Academia Galega