Biografía de Alejo Amoedo
1966- RedondelaPianista especializado no repertorio de compositores galegos, realiza estudos de acompañamento vocal en Madrid co pianista Miguel Zanetti. É Máster en Artes Escénicas pola Universidade de Vigo e Doutor pola Universitat Politècnica de Valencia cunha tese sobre Reveriano Soutullo. Pertence ao Corpo de Catedráticos de Música e Artes Escénicas da Xunta de Galicia, na especialidade de Repertorio para Piano con Instrumentos, con destino no Conservatorio Superior de Música de Vigo.
Ten máis de vinte traballos discográficos e deu numerosos recitais, nos que destaca a estrea de obras de Rogelio Groba, Carlos López García-Picos, Juan Durán, Luís Carro ou Juan Eiras, entre outros.
Integrante do colectivo cultural Pertenza e da Irmandade da Música Galega, asesor da Fundación Reveriano Soutullo Otero e membro do grupo de investigación da Universidade de Santiago de Compostela Organistrum. Ten no seu haber o Premio da Crítica de Galicia e o Premio da Música Gregorio Baudot.
Desde 2024 é académico numerario da Real Academia Galega de Belas Artes na sección de música da institución.
Publicacións nas que participou Alejo Amoedo
Alejo Amoedo nas actividades do CCG
Biobibliografías para o Álbum de Galicia
Felipe Paz Carbajal
Pontevedra, / 8/1850 - Noia (A Coruña), /1918Compositor de ampla obra e compromiso coa súa terra
Carmen Díez Martín
A Coruña, 1912 - Madrid, 2015Pianista e compositora apaixonada pola música e o piano