Roteiro - Roteiro Valentín Lamas Carvajal . 7 de febreiro de 2026 ás 11:00 horas
Roteiro

Roteiro Valentín Lamas Carvajal

  1. Inicio
  2. Eventos
  3. Roteiro

Roteiro

Roteiro Valentín Lamas Carvajal

7 de febreiro de 2026 ás 11:00 horas
Ourense
Roteiro

Roteiro Valentín Lamas Carvajal

7 de febreiro de 2026 ás 11:00 horas Ourense
O día 7 de febreiro de 1876 naceu en Ourense O Tío Marcos d’a Portela, un xornal satírico e de opinión escrito integramente en galego, no contexto do Rexurdimento. Promovido por Valentín Lamas Carvajal (Ourense, 1849-1906) e con periodicidade quincenal, chegou a ter unha tiraxe de 4.000 exemplares, o que o converte no gran pioneiro dos medios de comunicación en galego. A sátira e a retranca para denunciar o caciquismo, as inxustizas sociais e a marxinación da lingua galega están presentes nunha cabeceira entre cuxos colaboradores atopamos escritores e intelectuais galeguistas como Eladio Rodríguez González, Gonzalo López Abente, Antón Losada Diéguez, Manuel Lugrís ou Victoriano Taibo.
Para conmemorar o 150 aniversario desta publicación, unha comisión integrada pola Deputación de Ourense, o Consello da Cultura Galega, a Xunta de Galicia, a Real Academia Galega, o Concello de Ourense, a Asociación de Medios en Galego, La Región, o Liceo de Ourense, a Coral de Ruada, a Fundación ONCE e familiares de Valentín Lamas Carvajal, baixo a coordinación de Afonso Vázquez Monxardín, estableceron un programa de actividades que inclúe, entre outras, un roteiro, un xantar popular, un concerto, especiais en prensa, xornadas de divulgación e a dixitalización da colección completa da cabeceira.
As citas comezan na véspera da efeméride, o día 6 de febreiro, cunha xornada organizada pola AMEGA, a Asociación de Medios en Galego, na cidade de Ourense que versará sobre “Intelixencia artificial e desinformación” e unha foliada.

ROTEIRO
O propio día 7 de febreiro o Consello da Cultura Galega organiza un roteiro guiado por Afonso Vázquez Monxardín. O punto de encontro para as persoas participantes é a entrada do Cemiterio de San Francisco (Ourense) ás 11:00 horas, para posterior visita ao mausoleo de Valentín Lamas Carvajal. O itinerario a pé conta con paradas nos lugares máis emblemáticos da vida e obra do autor ourensán ata rematar ás 13:15 horas no Liceo de Ourense. Alí a Coral de Ruada fará un pequeno recital de homenaxe antes do xantar, que comezará ás 14:15 horas no propio Liceo.
Para asistir ao roteiro é necesaria inscrición previa no formulario que figura nesta páxina e o número máximo de participantes establécese en 50 persoas.

XANTAR
Con motivo desta celebración, o Liceo de Ourense organiza un xantar. As persoas que desexen participar poden retirar as tarxetas de inscrición no Liceo de Ourense ou ben contactar co Liceo no correo liceodeourense@hotmail.com ou no teléfono 988 220 650, antes do 3 de febreiro. O menú consiste nun cocido e o prezo é de 30 euros.

Valentín Lamas no Álbum de Galicia
https://consellodacultura.gal/album-de-galicia/detalle.php?persoa=2133
ASISTENCIA
A inscrición é gratuíta.
O número de prazas é limitado (50 persoas).
As prazas cubriranse por rigorosa orde de inscrición.
LUGAR
Cemiterio de San Francisco
Rúa Estrada da Granxa
32004 Ourense
MÁIS INFORMACIÓN
www.consellodacultura.gal
difusion@consellodacultura.gal
Consulta os materiais en http://consellodacultura.gal
Ficha técnica 
Roteiro
Roteiro Valentín Lamas Carvajal
Cando
7 de febreiro de 2026 ás 11:00 horas
Onde
Ourense
Lugar

Cemiterio de San Francisco
Rúa Estrada da Granxa
32004 Ourense