Ciclo - Víctor Sampedro Blanco. 26 de marzo de 2026
Pensarmos

Víctor Sampedro Blanco

  1. Inicio
  2. Pensarmos
  3. Ciclo

Pensarmos

Víctor Sampedro Blanco

O poder da mentira: como combater a pseudocracia

26 de marzo de 2026
Santiago de Compostela
Ciclo
Pensarmos

Víctor Sampedro Blanco

O poder da mentira: como combater a pseudocracia

26 de marzo de 2026 Santiago de Compostela
No ano 2019, antes da pandemia da covid, cando o mundo era outro, comezamos na Sección de Pensamento do Consello da Cultura Galega cunha actividade denominada “Pensarmos”, que na actualidade nos comprace percibir que está consolidada. Gozamos do privilexio de dedicar dúas horas de certos xoves, de 18.00 h a 20.00 h, a pensar de forma colectiva con persoas convidadas que teñen moito que achegarnos para reflexionar sobre cuestións que consideramos importantes do acontecer que nos rodea nestes tempos: democracia, igualdade, liberdade, dereitos, verdade, mentira, coidados, territorio, educación… Estes e moitos outros asuntos foron e serán obxecto de debate, crítica e reflexión nas diferentes sesións do ciclo “Pensarmos”.

O que pretendemos é que sexa un espazo aberto onde encontrármonos as xentes máis heteroxéneas para pensar conxuntamente, como un punto de partida, coas persoas referentes no seu ámbito que convidamos a pensar con nós. O formato dialogado, con quen se encarga de guialo en cada sesión e co público, é deliberado porque a pretensión que nos move é aprender e reflexionar desde as perspectivas máis diversas, sumando ideas, propostas e enfoques, e non dar nada por rematado senón contribuír a ter máis elementos para pensar e tratar de ser un exemplo de praxe de pensamento colectivo. As distintas sesións grávanse e poden verse a posteriori, o que contribúe a formar un elenco de posíbeis ferramentas pedagóxicas, ademais de ser unha adega onde as ideas poden ir conformando unha boa reserva á que volver no futuro.

Pensar, preguntar, propoñer, reflexionar, criticar, dubidar… Estes continuarán a ser os ingredientes das distintas sesións do ciclo “Pensarmos” que iremos programando este ano e nas que vos animamos a participar para que medren e se enriquezan.

O poder da mentira: como combater a pseudocracia

Vivimos nun tempo en que a mentira deixou de ser unha anomalía para se converter, con frecuencia, nunha ferramenta de intervención sobre a realidade. Non se trata unicamente de información incorrecta ou manipulada, senón da produción de marcos interpretativos capaces de orientar emocións, reforzar identidades e condicionar a maneira en que comprendemos o noso mundo. A velocidade dos fluxos comunicativos, a fragmentación das audiencias e a lóxica algorítmica contribuíron a configurar un ecosistema en que a veracidade compite en condicións de desvantaxe fronte a relatos máis simples, máis intensos ou máis mobilizadores. É neste escenario onde entendemos a idea de pseudocracia: unha forma de organización simbólica na que se manteñen as aparencias do funcionamento democrático ao tempo que se debilitan os procesos que fan posible unha deliberación pública informada. Cando o ruído despraza o argumento e a sospeita substitúe a confianza, o risco non é só a desorientación cidadá, senón tamén o progresivo empobrecemento da conversa colectiva.

Loitar contra a mentira esixe, polo tanto, algo máis que desmentila, implica tamén interrogar as condicións sociais, tecnolóxicas e culturais que a fan verosímil, así como revisar as nosas propias prácticas como suxeitos públicos.
Programa
Víctor Sampedro Blanco
Programa en PDF
Ficha técnica 
Ciclo
Pensarmos
Víctor Sampedro Blanco
O poder da mentira: como combater a pseudocracia
Cando
26 de marzo de 2026
Onde
Santiago de Compostela
Lugar

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202

Coordinación
Celia Pereira Porto
Relator/a
Marcos S. Pérez Pena
Víctor Sampedro Blanco
Organiza
Consello da Cultura Galega
Sección de Pensamento (CCG)