Ciclo

Pensarmos

  1. Inicio
  2. Eventos

Ciclo Pensarmos

Posverdade, fascismos dixitais, tecnopersoas, precarización da vida, perda de liberdades, deterioración medioambiental, poshumanismo… Posverdade, fascismos dixitais, tecnopersoas, precarización da vida, perda de liberdades, deterioración medioambiental, poshumanismo…. Enchemos de novos termos os andeis do noso pensamento. Asistimos a unha proliferación de palabras e conceptos para enfrontarnos a unha época convulsa.
A economía do efémero demándanos respostas rápidas e simples ante problemas complexos. Pensar sen présas ou debater ideas e visións diversas do mundo ficaron convertidas en actividades de luxo ou en ideas románticas doutros tempos. Agora todo semella moverse na inmediatez das redes.
Porén, o pensamento necesita tempos de encontro, de compartir devagar perspectivas e dúbidas. Propoñémosvos neste ciclo de charlas, debates e intercambio de ideas un tempo compartido para a reflexión, para abordar os problemas da actualidade, para facer redes de conexións e contribuír a que sexamos un pouco máis libres. O vello dictum ilustrado, sapere aude, hoxe deveu máis necesario que nunca. “Atrévete a pensar” é un exercicio a contracorrente, unha pequena revolución cotiá.
Quedades convidadas e convidados a un espazo compartido de reflexión e análise crítica do mundo que nos tocou vivir. Se pensar vos presta, agardámosvos cunha única condición, a predisposición a gozar das palabras compartidas. Iniciado en 2019, o ciclo Pensarmos continúa no ano 2021 cada cuarto xoves de mes para ofrecernos a oportunidade de encontrarnos con nomes relevantes no pensamento actual que establecerán un diálogo tanto con integrantes da Sección de Pensamento do Consello da Cultura Galega como co público asistente sobre temas tan vixentes como feminismo, fascismos, verdade, intimidade, investigación, precariedade ou humanismo.
Margot Rot
INFOXICACIÓN: e se a indiferenza é unha consecuencia sistémica?
23 de xaneiro de 2025
Sarah Babiker
Democracia, pero que democracia?: Alicerces materiais para unha democracia sobre terra firme
23 de novembro de 2023
Xosé Ramón Veiga Alonso
Democracia, pero que democracia?: O máis difícil é aceptar a derrota: Pluralismo político, participación e democracia no século XIX
Xoves, 28 de setembro de 2023
Iria Veiga
Fabulación, simulación e delirio: A mentira como adaptación evolutiva e como patoloxía
Xoves, 22 de abril de 2021
Ciencia
GARETH WILLIAMS
Pensar Latinoamérica: postcolonialidade, decolonialidade, subalternidade
Xoves, 28 de marzo de 2019 ás 18:00 horas
REMEDIOS ZAFRA
Despois do entusiasmo. Creatividade e traballo creativo na Cultura-Rede
Xoves, 25 de abril de 2019
Gabinete de comunicación