O Consello da Cultura Galega leva desde 2023 traballando especificamente o tema dos dereitos culturais, que nos últimos tempos está a consolidarse como unha corrente que ter moi en conta nas políticas culturais públicas, como proban a creación da Dirección Xeral de Dereitos Culturais do Goberno do Estado, a elaboración en marcha do Plan de Dereitos Culturais estatal e as leis xa aprobadas que regulan esta materia en territorios como Navarra ou as Illas Canarias.
Durante este ano 2025 a Comisión Técnica Temporal de Xestión e Políticas Culturais do CCG quere continuar traballando nesta corrente de actualidade co obxectivo de analizar se as políticas culturais galegas están seguindo este «novo paradigma» das políticas públicas.
A forma de facelo será a través de catro xornadas de debate e recollida de información que se desenvolverán de marzo a xuño atendendo a catro perspectivas do dereito de acceso á cultura: o dereito a participar, a perspectiva territorial (nun país con tanta dispersión coma o noso), o acceso, e a comunicación e a interseccionalidade.
Destas catro recollidas e dos informes extraídos darase conta nunha xornada de outono na que tentaremos analizar se os dereitos culturais se están a cumprir en Galicia.
Acceso á cultura en Galicia 2025
Acceso á cultura en Galicia
Informe do foro
Xoves, 19 de febreiro de 2026 Santiago de Compostela
Xoves, 19 de febreiro de 2026Santiago de Compostela
A presidenta do Consello da Cultura Galega (CCG), Rosario Álvarez, a coordinadora da Comisión técnica de xestión de políticas culturais, Paula Cabaleiro e unha das integrantes da comisión, Ruth Sousa, presentan este xoves, 19 de febreiro (12:00 horas), o informe Acceso á cultura en Galicia. Na rolda de prensa daranse a coñecer os detalles deste estudo que avalía o cumprimento dos dereitos culturais en Galicia.
LUGAR Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202
MÁIS INFORMACIÓN www.consellodacultura.gal
difusion@consellodacultura.gal
Consulta os materiais en http://consellodacultura.gal
