Paula Cabaleiro Comesaña

Licenciada en Belas Artes pola Universidade de Vigo, conta cun Máster en Arte, Museoloxía e Crítica Contemporáneas da Universidade de Santiago de Compostela e o Centro Galego de Arte Contemporánea, así como con outro en Educación da Universidade de Vigo. É xestora cultural e comisaria de exposicións. Foi directora de Cultura da Deputación de Pontevedra (2020-2023); directora do Museo de Arte Contemporáneo Florencio de la Fuente de Huete, Cuenca (2015-2020); comisaria do Espazo de Arte de Culturgal (2014-2019); codirectora da feira de arte Cuarto Público, en Santiago de Compostela (2013-2016), e coordinadora do programa de residencias artísticas Estudio Aberto, da Rede Museística Provincial da Deputación de Lugo (2013-2016). É membro da xunta directiva dos Premios da Crítica Galicia (desde 2016). Desenvolveu numerosos proxectos e programas artísticos con liñas de acción que defenden a igualdade de xénero na creación, así como unha cultura accesible e participativa, inclusiva e sostible. Estas iniciativas levounas a cabo en numerosas entidades públicas e privadas, como o Concello de Vigo, a Deputación da Coruña ou o Museo Nacional Thyssen-Bornemisza. Relatora en numerosos congresos, seminarios e cursos de diferentes entidades públicas e privadas de España e Portugal, así como xurado en múltiples certames. Como comisaria realizou proxectos en diversos museos e centros de arte, como o Centro Galego de Arte Contemporánea, a Cidade da Cultura, o Museo de Pontevedra, o Museo Nacional Thyssen-Bornemisza, o Centro Cultural Marcos Valcárcel de Ourense, o Museo de Arte Contemporáneo Florencio de la Fuente de Huete (Cuenca) ou a Rede Museística Provincial de Lugo, entre moitos outros.