Especial - CENTRO RECREATIVO UNIÃO DO RIO TEA . Xoves, 26 de febreiro de 2026
Memoria documental das sociedades da emigración galega

CENTRO RECREATIVO UNIÃO DO RIO TEA

  1. Inicio
  2. Memoria documental das sociedades da emigración galega
  3. Especial

Memoria documental das sociedades da emigración galega

CENTRO RECREATIVO UNIÃO DO RIO TEA

Xoves, 26 de febreiro de 2026
consellodacultura.gal
Especial
Memoria documental das sociedades da emigración galega

CENTRO RECREATIVO UNIÃO DO RIO TEA

consellodacultura.gal
O Centro Recreativo União do Rio Tea (CRURT), tamén coñecido como Clube
Recreativo União do Rio Tea, é unha asociación civil de carácter comarcal creada
por emigrantes galegos orixinarios do concello de Ponteareas e radicados no
estado brasileiro da Bahía. Está ubicado no municipio metropolitano de Lauro de
Freitas, e a súa fundación histórica data do 12 de agosto de 1974, aínda que a
aprobación dos estatutos tivo lugar o 23 de abril de 1975.

A primeira comisión estivo integrada por Julio Ucha como presidente, e por
Manuel Grova González e Inocencio Pastor Ribera como secretarios. O propio
presidente do CRURT describía así o xérmolo da asociación: “en un rancho mío,
bajo unos árboles que nos recordaban las carballeiras de nuestra tierra, nos
juntamos 43 personas de Puenteareas y sus alrededores y decidimos comprar un
terreno y fundar el Club”.

A sociedade chegou a crear o seu propio grupo folclórico, denominado «Coral
Airiños do Tea», así como o «Grupo de Baile Galego». Na actualidade, o baile e a
música tradicional son ofrecidos por agrupacións como Caballeros de Santiago, As
Meigas, Os Celtas e EDACE (Escola de Dança Arte e Cultura Galega e Espanhola).
A súa festa tradicional por excelencia é a de «Nossa Senhora dos Remédios», na
que cada ano se celebra unha misa, acompañada de actividades deportivas e
culturais, e dun xantar para as persoas asistentes.

Como o resto das entidades creadas polos emigrantes galegos no exterior, trátase
dunha asociación de recoñecida utilidade pública, sen fins de lucro, que non só
funciona como lugar de encontro para os seus socios e socias, senón que tamén
presta servizos desinteresados á comunidade de Lauro de Freitas, tendo un
impacto social recoñecido polas autoridades municipais.

Sendo unha das últimas sociedades de emigrantes galegos e galegas creadas en
Brasil, na actualidade representa un dos axentes socioculturais máis activos na
promoción e preservación da cultura galega no estado da Bahía.

DOCUMENTACIÓN ATOPADA NO ARQUIVO DA EMIGRACIÓN GALEGA:
Ligazóns
Prensa
26-02-2026

O Arquivo da Emigración Galega pon na rede fondos do Centro Recreativo União do Rio Tea

Temáticas
Emigración Historia Identidade Lingua Sociedade
 
Especial
Memoria documental das sociedades da emigración galega
CENTRO RECREATIVO UNIÃO DO RIO TEA
Data de publicación
Xoves, 26 de febreiro de 2026
Onde
consellodacultura.gal
Autoría
Arquivo da Emigración Galega (CCG)
Arquivo da Emigración Galega (CCG)