O Consello da Cultura Galega, en colaboración co Concello de Vigo, organiza o Concerto das Letras Galegas 2026, que se celebrará o sábado 16 de maio, ás 20:30 horas, no Auditorio Mar de Vigo.
A festa lévanos á cidade olívica, lugar de nacemento, formación e primeiros pasos profesionais de Begoña Caamaño, a quen este ano dedicamos o Día das Letras Galegas, para reunirnos arredor da proposta musical da súa amiga a cantante Uxía. Ao longo de 75 minutos desfilarán polo escenario Circe, Morgana, as amigas, o mar da Arousa e o de Vigo, Penélope, a casa da Comboa, as pegadas do seu andar a terra, as rebeldes, as mans enlazadas e as lobas que ouvean nun repertorio que transita do íntimo ao festivo.
Teremos oportunidade de gozar dun formato único e irrepetible, con intérpretes de luxo, apoio audiovisual e colaboracións interxeracionais moi especiais, que levarán a Vigo luz, emoción, beleza e irreverencia, herdos que nos deixou Begoña Caamaño.
Entrada libre e gratuíta ata completar a capacidade da sala (1425 butacas)
ASISTENCIA
Acceso libre e gratuíto ate completar a capacidade do auditorio (1425 prazas).
LUGAR Auditorio Mar de Vigo
Av. da Beiramar, 59
36202 Vigo
MÁIS INFORMACIÓN www.consellodacultura.gal
difusion@consellodacultura.gal
Consulta os materiais en http://consellodacultura.gal
