Xornada - ADEGA: 50 anos de ecoloxismo galego. 1 de xuño de 2026
Xornada

ADEGA: 50 anos de ecoloxismo galego

  1. Inicio
  2. Eventos
  3. Xornada

Xornada

ADEGA: 50 anos de ecoloxismo galego

1 de xuño de 2026
Santiago de Compostela
Xornada

ADEGA: 50 anos de ecoloxismo galego

1 de xuño de 2026 Santiago de Compostela
Con motivo do Día Mundial do Medio Ambiente, o Consello da Cultura Galega e a Asociación para a Defensa Ecolóxica de Galiza (ADEGA) organizan un acto conmemorativo para celebrar o medio século de historia da asociación ecoloxista. O evento terá lugar nas instalacións do Consello da Cultura Galega en Santiago de Compostela. A peza xeral será a proxección do documental A Terra por gañar, á que seguirá un debate en que participarán destacados membros fundadores e da actual dirección de ADEGA. No mesmo acto, farase entrega do libro titulado ADEGA: 50 anos coidando a terra.

ADEGA xorde a mediados da década de 1970 como resposta á problemática ambiental do momento, aínda no contexto da ditadura franquista no Estado español e de dependencia da nosa terra a respecto do Estado. E tamén nun contexto internacional de preocupación incipiente polas problemáticas ambientais: o esgotamento dos recursos, a explotación de especies xa en perigo, as intervencións nos ecosistemas e, nomeadamente, a contaminación química e os riscos da enerxía nuclear.

Sempre en colaboración con outros sectores sociais e con outras organizacións, ADEGA contribuíu a gañar moitas das loitas que a sociedade galega librou. Loitas que evitaron numerosos proxectos de novas celulosas, unha central nuclear, a continuación dos vertidos radioactivos na Fosa Atlántica, concentracións parcelarias altamente destrutivas, un feixe de grandes encoros, máis dun cento de minicentrais nos ríos, varias incineradoras de residuos, proxectos de megaminaría, megaproxectos acuícolas na Rede Natura, numerosos parques eólicos de alto impacto ambiental... Unha loita que tamén impulsou actuacións en positivo: de reciclaxe, compostaxe doméstica e comunitaria, limpezas simultáneas de praias e ríos, o Proxecto Ríos, propostas de lexislación popular para o Parlamento galego e unha contribución singular e pioneira á sensibilización ambiental da cidadanía.
Programa
ADEGA: 50 anos de ecoloxismo galego
Programa en PDF
Ficha técnica 
Xornada
ADEGA: 50 anos de ecoloxismo galego
Cando
1 de xuño de 2026
Onde
Santiago de Compostela
Lugar

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202

Relator/a
Pilar Bermejo Barrera
Fins Eirexas Santamaría
Adela Figueroa Panisse
Ramón Varela Díaz
Inauguración
Rosario Álvarez
Xosé Lois Penas Corral
Manuel Soto Castiñeira
Modera
Belén Rodríguez Fernández
Organiza
Asociación para a Defensa Ecolóxica de Galiza (ADEGA)
Consello da Cultura Galega