1 de xuño de 2026Santiago de Compostela
Con motivo do Día Mundial do Medio Ambiente, o Consello da Cultura Galega e a Asociación para a Defensa Ecolóxica de Galiza (ADEGA) organizan un acto conmemorativo para celebrar o medio século de historia da asociación ecoloxista. O evento terá lugar nas instalacións do Consello da Cultura Galega en Santiago de Compostela. A peza xeral será a proxección do documental A Terra por gañar, á que seguirá un debate en que participarán destacados membros fundadores e da actual dirección de ADEGA. No mesmo acto, farase entrega do libro titulado ADEGA: 50 anos coidando a terra.
ADEGA xorde a mediados da década de 1970 como resposta á problemática ambiental do momento, aínda no contexto da ditadura franquista no Estado español e de dependencia de Galiza a respecto do Estado. E tamén nun contexto internacional de preocupación incipiente polas problemáticas ambientais: o esgotamento dos recursos, a explotación de especies xa en perigo, as intervencións nos ecosistemas e, nomeadamente, a contaminación química e os riscos da enerxía nuclear.
Sempre en colaboración con outros sectores sociais e con outras organizacións, ADEGA contribuíu a gañar moitas das loitas que a sociedade galega librou. Loitas que evitaron numerosos proxectos de novas celulosas, unha central nuclear, a continuación dos vertidos radioactivos na Fosa Atlántica, concentracións parcelarias altamente destrutivas, un feixe de grandes encoros, máis dun cento de minicentrais nos ríos, varias incineradoras de residuos, proxectos de megaminaría, megaproxectos acuícolas na Rede Natura, numerosos parques eólicos de alto impacto ambiental... Unha loita que tamén impulsou actuacións en positivo: de reciclaxe, compostaxe doméstica e comunitaria, limpezas simultáneas de praias e ríos, o Proxecto Ríos, propostas de lexislación popular para o Parlamento galego e unha contribución singular e pioneira á sensibilización ambiental da cidadanía.
ASISTENCIA
A inscrición é gratuíta.
O número de prazas é limitado (100 persoas).
As prazas cubriranse por rigorosa orde de inscrición.
LUGAR Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202
MÁIS INFORMACIÓN www.consellodacultura.gal
difusion@consellodacultura.gal
Consulta os materiais en http://consellodacultura.gal
Xornada
ADEGA: 50 anos de ecoloxismo galego
1 de xuño de 2026Santiago de Compostela
17:00 horas
Presentación
Consello da Cultura Galega
ADEGA
Deputación da Coruña
17:20 horas
Proxección do documental A Terra por gañar (50´)
18:15 horas
Debate Ramón Varela Díaz, doutor en Bioloxía e expresidente de ADEGA Adela Figueroa Panisse, socia fundadora de ADEGA e escritora Pilar Bermejo Barrera, catedrática de Química Analítica da USC Fins Eirexas, xeólogo e secretario técnico de ADEGA
Modera: Belén Rodríguez, periodista e secretaria executiva de ADEGA
20:00 horas
Peche da xornada
Documental A Terra por gañar
A Terra por gañar é un documental que narra a historia de ADEGA desde a súa fundación. Un relato guiado por voces destacadas da organización que ofrece unha mirada profunda ao impacto do movemento ecoloxista galego, ás agresións ambientais sufridas dende o inicio da sociedade industrial e a un presente de loita no que os conflitos locais tornaron en desafíos globais.
Unha reflexión indispensable para comprender a Galiza que habitamos, recoñecer o legado de ADEGA e das persoas que puxeron o corpo na protección da Terra e revisar o papel dun movemento ecoloxista que enfronta novas e complexas problemáticas ambientais nunha das chamadas “zonas de sacrificio”.
• Guión e dirección: Roberto Conde
• Fotografía e montaxe: Olmo Couto
• Produción: ADEGA e Ouvirmos
• Idioma: galego
• Duración: 50 min
LUGAR Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202
MAÍS INFORMACIÓN www.consellodacultura.gal
difusion@consellodacultura.gal
Consulta os materiais en http://consellodacultura.gal
ASISTENCIA A inscrición é gratuíta.
O número de prazas é limitado (100 persoas).
As prazas cubriranse por rigorosa orde de inscrición.
